எஸ்.அஷ்ரப்கான்-
கல்முனை நகர அபிவிருத்தி அங்குரார்ப்பண நிகழ்வுகளும் மாபெரும் பொதுக் கூட்டமும் எதிர்வரும் நவம்பர் (14) திங்கட்கிழமை கல்முனையில் நடைபெற உள்ளது.
ஸ்ரீலங்கா முஸ்லிம் காங்கிரஸ் பிரதி தலைவரும்,விளையாட்டுத்துறை பிரதி அமைச்சருமான சட்டத்தரணி எச்.எம்.எம்.ஹரிஸின் அழைப்பின்பேரில் இந் நிகழ்வுக்கு பிரதம அதிதியாக ஸ்ரீலங்கா முஸ்லிம் காங்கிரஸ் தேசிய தலைவரும் நகர திட்டமிடல் மற்றும் நீர் வழங்கல் அமைச்சருமான சட்டமுதுமாணி ரவூப் ஹக்கீம் கலந்து கொண்டு சிறப்பிப்பதோடு இன்னும் பல மு.கா. அரசியல் பிரமுகர்களும் அதிதிகளும் கலந்து சிறப்பிக்கவுள்ளனர்.
இத்தினத்தில் அபிவிருத்தி அங்குரார்ப்பணம் செய்யப்படவுள்ள நிகழ்வுகளாக, மருதமுனை பொது நூலகத்தில் கோட்போர்கூடம் அமைப்பதற்கான அடிக்கல் நடுதல், பெரியநீலவணையில் சனசமூக சிகிச்சை மையம் அமைப்பதற்கான அடிக்கல் நடுதல், நற்பிட்டிமுனை அஸ்ரப் விளையாட்டு மைதானத்தை மேம்படுத்தும் வேலைத்திட்டத்தினை ஆரம்பித்து வைத்தல், சேனைக்குடியிருப்பில் சனசமூக சிகிச்சை மையம் அமைப்பதற்கான அடிக்கல் நடுதல், இஸ்லாமாபாத்தில் சனசமூக சிகிச்சை மையம் அமைப்பதற்கான அடிக்கல் நடுதல், கல்முனை பொதுச் சந்தையினை மேம்படுத்தும் வேலைத்திட்டத்தினை ஆரம்பித்து வைத்தல், கல்முனை பொது நூலகத்தினை மேம்படுத்தும் வேலைத்திட்டத்தினை ஆரம்பித்து வைத்தல், கல்முனை கடற்கரையில் மீன் சந்தை அமைப்பதற்கான அடிக்கல் நடுதல்,கல்முனை இறைவெளிக்கண்டம்(கிறீன்பீல்ட்) பிரதேச காணிகளில் மண் நிறப்பும் வேலைத்திட்டத்தினை ஆரம்பித்து வைத்தல், சாய்ந்தமருது வொலிவோரியன் பிரதேச காணிகளில் மண் நிறப்பும் வேலைத்திட்டத்தினை ஆரம்பித்து வைத்தல், சாய்ந்தமருது அஸ்ரப் ஞாபகார்த்த விளையாட்டு மைதானத்திற்கான பார்வையாளர் அரங்கு அமைப்பதற்கான அடிக்கல் நடுதல், சாய்ந்தமருது அஸ்ரப் ஞாபகார்த்த விளையாட்டு மைதானத்தின் சுற்றுமதில் அமைக்கும் வேலைத்திட்டத்தினை ஆரம்பித்து வைத்தல் என்ற பல்வேறு அபிவிருத்தித் திட்டங்கள் அங்குரார்ப்பணம் செய்து வைக்கப்படவுள்ளதுடன் அன்று மாலை 6.00 மணிக்கு சாய்ந்தமருது பெளஸி மைதானத்தில் மாபெரும் பொதுக்கூட்டமும் நடைபெறவுள்ளது.
