தென்னாபிரிக்க – இலங்கை அணிகள் மோதும் முதல் டெஸ்ட் கிரிக்கெட் போட்டி இன்று போர்ட் எலிசபெத்தில் ஆரம்பமாகின்றது. இலங்கை கிரிக்கெட் அணி 3 டெஸ்ட் போட்டிகள், 3 இருபதுக்கு 20 போட்டிகள் மற்றும் 5 ஒருநாள் போட்டிகளில் விளையாடுவதற்காக தென்னாபிரிக்காவிற்கு சுற்றுப் பயணம் மேற்கொண்டுள்ளது.
இரு அணிகள் மோதும் முதல் டெஸ்ட் போட்டி போர்ட் எலிசபெத்தில் இன்று இலங்கை நேரப்படி பிற்பகல் 1.30 மணிக்கு ஆரம்பமாகின்றது.
சொந்த மண்ணில் விளையாடுவதால் தென்னாபிரிக்க அணி இந்த டெஸ்ட் தொடரில் இலங்கைக்கு மிகப்பெரிய சவாலாக இருக்கும் என்று எதிர்பார்க்கப்படுகிறது. இரு அணிகளும் இதுவரை 22 டெஸ்ட் போட்டிகளில் மோதியுள்ளன. இதில் தென்னாபிரிக்கா 11 டெஸ்ட் போட்டிகளிலும், இலங்கை 5 டெஸ்ட் போட்டிகளிலும் வெற்றி பெற்றுள்ளன. 6 டெஸ்ட் போட்டிகள் சமநிலையில் நிறைவடைந்துள்ளன.
இந்நிலையில் அஞ்சலோ மெத்தியூஸ் மற்றும் சந்திமால் ஆகியோர் அணிக்கு மீண்டும் திரும்பியுள்ள நிலையில் இளம் அணியினருடன் இலங்கை அணி களமிறங்குகிறது.
இலங்கை அணி
அஞ்சலோ மெத்தியூஸ், துஷ்மந்த சமீர, தனஞ்சய டி சில்வா, ரங்கன ஹேரத், லஹிரு குமார, குசல் மெண்டிஸ், குசல் ஜனித் பெரேரா, உபுல் தரங்க, விகும் சஞ்சய, டினேஷ் சந்திமால், நுவன் பிரதீப், திமுத் கருணாரத்ன, சுரங்க லக்மால், டில்ருவன் பெரேரா, கௌஷால் சில்வா.
தென்னாபிரிக்க அணி
டுபிளஸிஸ், ஹசீம் அம்லா, ஸ்டீபன்குக், டி கொக், டியன் எல்கன், வெய்ன் பர்னல், ரபடா, கெய்ல் அபோட், டெம்பா பவுமா, டி பிரைன், பௌல் டுமினி, கெஷாப் மஹாராஜ், வெர்னோன் பிளண்டர்.
