அப்துல்சலாம் யாசீம்-
கடத்தப்பட்டு காணாமல் ஆக்கப்பட்ட உறவுகளை தேடி அலையும் சங்கம் நாளை (30) வடக்கிலும் கிழக்கிலும் அடையாள உண்ணாவிரத போராட்டங்களை மேற்கொள்ள உள்ளதாக அவ்வமைப்பின் தலைவி நாகேந்திரன் ஆஷா தெரிவித்தார்.
தங்களின் உறவுகளுக்காக நீதி நியாயங்கள் கிடைக்கப்பெறாத பட்ஷத்தில் நீதியை பெற்றுத்தருமாறு கோரி கிழக்கு மாகாண ஆளுனர் அலுவலகத்திற்கு முன்னால் காலை 9.30 மணி தொடக்கம் பிற்பகல் 4.00மணிவரை போராட்டத்தில் ஈடுபடவுள்ளதாகவும் அவர் தெரிவித்தார்.
இதேவேளை திருகோணமலை மாவட்டத்தில் காணாமல் கடத்தப்பட்டோரின் உறவினர்கள் கலந்து கொள்ளுமாறும் மேலதிக விபரங்களை பெற்றுக்கொள்ள விரும்பினால் 075-2361347 எனும் இலக்கத்துடன் தொடர்பு கொள்ளுமாறும் வேண்டுகோள் விடுத்துள்ளார்.
