பாறுக் ஷிஹான்-
யாழில் இருந்து இந்தியாவிற்குச் செல்ல விரும்பும் யாத்திரிகர்களில் கடவுச் சீட்டு இல்லாதவர்களிற்கும் தற்காலிக கடவுச் சீட்டு உடனடியாக மேற்கொள்ள முடியும் என சிவசேனா அமைப்பின் தலைவர் சச்சிதானந்தம் தெரிவித்தார்.
இது குறித்து அவர் மேலும் தகவல்ல் தெரிவிக்கையில் ,
யாழில் இருந்து திருவாதிரையை முன்னிட்டு சிதம்பரத்திற்காக இந்தியாவிற் கப்பல் மூலம் காங்கேசன்துறையில் இருந்து பயணிப்பதற்கான ஏற்பாடுகள் இடம்பெறுகின்றன. இவ்வாறு இடம்பெறும் பயண ஏற்பாட்டில் செல்ல விரும்பும் யாத்திரிகர்களில் கடவுச் சீட்டு இல்லாதவர்களிற்கும் தற்காலிக கடவுச் சீட்டு உடனடியாக மேற்கொள்ள முடியும்.
குறித்த தற்காலிக கடவுச் சீட்டு ஏற்பாட்டிற்காக மாவட்டச் செயலக மேலதிக அரச அதிபருடன் தொடர்பு கொண்டு ஏற்பாடுகளை மேற்கொண்டுள்ளோம். எனவே இந்தியாவிற்கான யாத்திரை அனுமதி விரைவில் கிடைக்கும் என எதிர்பார்க்கப்படுகின்றது.
இவ்வாறு யாத்திரை செல்ல விரும்புபவர்கள் கடவுச் சீட்டு உள்ளவர்களும் கடவுச் சீட்டு இல்லாதவர்களும் தொடர்பு கொள்ள முடியும். எமது இப் பயணத்திற்கான அனுமதி ஏற்பாடுகளை வட மாகாண ஆளுநர் மேற்கொண்டு வருகின்றார். எனத் தெரிவித்தார்.
