அப்துல்சலாம் யாசீம்-
திருகோணமலை.கோமரங்கடவெல பொலிஸ் பிரிவுற்குற்பட்ட பகுதியில் பல மாதங்களாக பெண்களின் உள்ளாடைகளை திருடி வந்த நபரொருவர் தாக்குதலுக்குள்ளான நிலையில் இன்று அதிகாலை (02) திருகோணமலை பொது வைத்தியசாலையில் அனுமதிக்கப்பட்டுள்ளதாக தெரியவருகின்றது. இவ்வாறு தாக்குதலுக்குள்ளானவர் கோமரங்கடவெல பகுதியைச்சேர்ந்த 38 வயதுடையவர் எனவும் தெரியவருகின்றது.
குறித்த பகுதியில் பல மாதங்களாக பெண்களின் உள்ளாடைகள் திருடி வருவதாக பேசப்பட்டு வந்ததையடுத்து இன்று அதிகாலை சந்தேகமான நபர் வீடொன்றிற்கு சென்று உள்ளாடைகளை திருடி விட்டு செல்லும் போது வீட்டு உரிமையாளர் துரத்திச்சென்று பார்வையிட்ட வேளை உள்ளாடைகள் சில மீட்கப்பட்டதாகவும் தெரியவருகின்றது. உள்ளாடைகளை திருடியமையினால் கோபம் கொண்ட வீட்டு உரிமையாளர் தாக்கியதாகவும் தெரியவருகின்றது
தாக்குதலுக்குள்ளானவர் திருகோணமலை பொது வைத்தியசாலையில் சிகிச்சை பெற்று வருவதும் குறிப்பிடத்தக்கது.
