க.கிஷாந்தன்-
அட்டன் - கொழும்பு பிரதான வீதியில் டீசல் கொள்கலன் ஒன்று 26.01.2017 அன்று மதியம் 12 மணியளவில் விபத்துக்குள்ளாகியுள்ளது.இவ்விபத்து தொடர்பில் மேலும் தெரியவருவதாவது,
கொழும்பு கொலணாவ பகுதியிலிருந்து கொட்டகலையிலுள்ள பெற்றோலிய களஞ்சியசாலைக்கு டீசலை கொண்டுசெல்லும் போதே கட்டுப்பாட்டை இழந்த குறித்த பவுஸர் அட்டன் – கொழும்பு பிரதான வீதியில் மல்லியப்பு சந்திக்கு அருகாமையில் பிரதான வீதியை விட்டு விலகி விபத்திற்குள்ளாகியுள்ளது.
இந்நிலையில் பவுஸரில் இருந்த டீசல் வெளியேறி வீதியில் பரவியுள்ளது. இவ் விபத்தினால் சில மணி நேரம் போக்குவரத்துக்கு இடையூறு ஏற்பட்டதாகவும் தெரிவிக்கப்படுகின்றது.
இவ்விபத்தில் எவருக்கும் காயம் எதுவும் ஏற்படவில்லை என்பதுடன் குறித்த பவுஸரில் 33,000 லீட்டர் டீசல் இருந்ததாக அட்டன் பொலிஸார் தெரிவித்தனர்.
