க.கிஷாந்தன்,மு.இராமச்சந்திரன்-
அட்டன் கல்வி வலயத்திற்குட்பட்ட அட்டன் ஸ்ரீபாத சிங்கள மகா வித்தியாலயத்தின் புதிய கட்டிடத்திற்கு அடிக்கல் நாட்டும் வைபவமும், தொழில்நுட்ப ஆய்வு கூடம் திறப்பு விழாவும் 14.02.2017 அன்று மத்திய மாகாண முதலமைச்சர் சரத் ஏக்கநாயக்க தலைமையில் இடம்பெற்றது.
நிர்மாணிக்கப்படவுள்ள சகல வசதிகளும் கொண்ட 800 பேர் அமர கூடிய இந்த புதிய கட்டிடத்திற்கு மத்திய மாகாண அமைச்சு சுமார் 570 இலட்சம் ரூபாவும், தொழில்நுட்ப ஆய்வு கூடத்திற்கு 165 இலட்சம் ரூபாவும் செலவு செய்துள்ளனர்.
இந்நிகழ்வுக்கு மத்திய மாகாண முதலமைச்சர் சரத் ஏக்கநாயக்க, ஸ்ரீலங்கா சுதந்திர கட்சியின் மஸ்கெலியா மற்றும் நுவரெலியா தொகுதி அமைப்பாளர்களான டபிள்யூ.ஜீ.ரணசிங்க, தர்மபிரிய, பாடசாலை அதிபர் வசந்த கவிராஜ், உட்பட ஆசிரியர்கள், மாணவர்கள் என பல முக்கியஸ்தர்களும் கலந்து கொண்டனர்.
