விசா இல்லாமல் இலங்கையர்களுக்கு அமெரிக்கா செல்ல அனுமதி வழங்கப்பட்டுள்ளதாக சில இணையத்தளங்கள் செய்தி வௌியிட்டிருந்தன. எவ்வாறாயினும் , இந்த தகவலை உறுதிப்படுத்த முடியவில்லை என வெளிவிவகார அமைச்சு தெரிவித்துள்ளது.
USA டெலிவிசன் என்ற இணையத்தளம், இலங்கையர்களுக்கு விசா இல்லாமல் அமெரிக்காவிற்கு பிரவேசிக்க அனுமதி வழங்கும் நிர்வாக ஆணையில் அமெரிக்க ஜனாதிபதி டொனால்ட் டிரம்ப் கைச்சாத்திட்டுள்ளதாக செய்தி வௌியிட்டிருந்தது.
இந்த செய்தி சமூக வலைத்தளங்களில் தீயாக பரவியிருந்தது. எவ்வாறாயினும் , அவ்வாறான சம்பவம் தொடர்பில் அமெரிக்க இராஜாங்கத் திணைக்களத்தினால் தமக்கு அதிகாரபூர்வமாக அறிவிக்கப்படவில்லை என வௌிவிவகார அமைச்சு தெரிவித்துள்ளது.