ஓட்டமாவடி அஹமட் இர்ஷாட்-
ஸ்ரீலங்கா முஸ்லிம் காங்கிரசின் தவிசாளர் முன்னாள் அமைச்சர் பசீர் சேகு தாவூத் கட்சியின் தலைமையான அப்துர் ரவூப் ஹிபத்துல் ஹக்கீமீற்கு எதிராக ஆதாரங்களை வெளியிடப்போவதாக சுமத்தியுள்ள குற்றச்சாட்டானது சமகாலத்தில் முஸ்லிம் காங்கிரசிற்குள் மட்டுமல்லாது தேசிய, சர்வதேச முஸ்லிம் சமூதாயத்திற்குள் முக்கிய சமூக பிரச்சனையாகவும், ஏனைய சமூகங்களின் வாத பிரதி வாதங்களுக்குள்ளான பேசும் பொருளாக மாறியுள்ள முக்கிய விடயமாக எல்லோராலும் பார்க்கப்படுகின்றது.
இந்த சூட்டோடு வருகின்ற 12ம் திகதி கொழும்பில் ஏற்பாடு செய்துள்ள முஸ்லிம் காங்கிரஸ் கட்சியின் பேராளர் மாநாட்டிற்கு கல்குடா பிரதேசத்திலிருந்து எவ்வாறான ஆதரவினை கட்சிக்கும், கட்சியின் தலைமைக்கும் கொடுத்து கட்சியினை மேலும் பலப்படுத்துவது சம்பந்தமான ஒன்று கூடல் இன்று 08.02..2017 முஹாஜிரீன் ஆசிரியரின் வீட்டில் கல்குடா முஸ்லிம் காங்கிரஸ் அமைப்பாளரும் உயர் பீட உறுப்பினருமான எச்.எம்.எம்.றியாழினுடைய பூரண அனுசரணையுடனும், வழிகாட்டல்களுடனும் வை.எஸ்.ஓ.ஹனீபாவின் தலைமையில் கல்குடா முஸ்லிம் காங்கிரஸ் மத்திய குழு கூடி ஆராய்ந்து பேராளர் மாநாட்டில் கலந்து கொள்வது சம்பந்தமான பல முடிவுகளை எடுத்திருந்தது.
அத்தோடு கட்சியின் தலைமைக்கும், கட்சிக்கும் சில நாட்களுக்கு முன்னர் அபகீர்த்தியினை ஏற்படுத்தும் வகையில் ஊடகங்கள் வாயிலால பல ஆதரங்களை வெளியிடபோவதாக குற்றம் சுமத்தியுள்ள கட்சியின் தவிசாளர் பசீர் சேகு தாவூத்திற்கு எதிராக பேராளர் மாநாட்டில் பகிரங்க எதிர்ப்பினை கல்குடா சார்பாக தெரிவிக்க உள்ளதாக முடிவெடுக்கப்பட்ட விடயம் முக்கிய கருப்பொருளாக ஒன்று கூடலில் பார்க்கப்பட்டது. பேராளர் மாநாடு சம்பந்தமாக கல்குடா முஸ்லிம் காங்கிரஸ் மத்திய விடுத்துள்ள அறிக்கையின் காணொளி எமது இணைய நாளிதல் வாசகர்களுக்காக இங்கே பதிவேற்றம் செய்யப்பட்டுள்ளது.
