பாறுக் ஷிஹான்-
கல்முனை பாண்டிருப்பு பகுதியில் டெங்கு காய்ச்சல் காரணமாக இளைஞன் ஒருவர் உயிரிழந்துள்ளார். கடந்த சில தினங்களுக்கு முன்னர் குறித்த இளைஞனுக்கு டெங்கு காய்ச்சல் ஏற்பட்டதுடன் திடிரென வீட்டில் மயங்கிவிழுந்துள்ளார்.
இதன் போது தலை தரையில் பலமாக அடிபட்ட நிலையில் மட்டக்களப்பு போதனா வைத்தியசாலையின் அதி தீவிர சிகிச்சை பிரிவில் அனுமதிக்கப்பட்டிருந்தார். இந்நிலையில் இன்று(15) சிகிச்சை பலனளிக்காத நிலையில் மரணமடைந்துள்ளார்.
இவ்வாறு உயிரிழந்தவர் பாண்டிருப்பை சோ்ந்த வள்ளியப்பன் நிலக்க்ஷன் (நிலா) (வயது-24) என்பவராவார். இவ் இளைஞனின் இழப்பு அப் பிரதேசத்தில் எல்லோரையும் சோகத்தில் ஆழ்த்தியுள்ளது. கடந்த சில தினங்களாக இவர் பூரண குணமடையவேண்டும் என்று நண்பர்களும் உறவினர்களும் சமூக வலைத்தளங்கள் மூலமும் பிரார்த்தனையில் ஈடுபட்டு வந்தது குறிப்பிடத்தக்கது.
