அப்துல்சலாம் யாசீம்-
இலங்கை கடற்பரப்பில் சட்டவிரோத மீன்பிடியில் ஈடுபட்டு வந்த 08 இந்தியா மீனவர்களையும் விடுவிக்குமாறு இன்று (14) திருகோணமலை நீதிமன்ற பிரதம நீதவான் எம்.எச்.எம்.ஹம்ஸா உத்தரவிட்டார்.
இலங்கை கடற்படையினரால் கடந்த 03ம் திகதி முல்லைதீவு கடற்பரப்பில் கைது செய்யப்பட்டு திருகோணமலை துறைமுகப்பொலிஸாரிடம் ஒப்படைக்கப்பட்டதையடுத்து நீதவான் முன்னிலையில் ஆஜர்படுத்தப்பட்ட நிலையில் விளக்கமறியலில் வைக்குமாறு உத்தரவிடப்பட்டிருந்தது.
இதேவேளை சட்டமா அதிபர் திணைக்களத்தினூடாக வழங்கப்பட்ட உத்தரவிற்கமைய இன்றைய தினம் இலங்கை கடற்படை திருகோணமலை தலைமையகத்தின் ஊடாக இந்தியா கடற்படையினரிடம் ஒப்படைக்குமாறும் உத்தரவிட்டார்.
