மு.ராமச்சந்திரன்-
மலையக மக்கள் முன்னணி மலையக தொழிலாளர் முன்னணியின் புதிய பதவிகளுக்கு தெரிவு செய்யப்பட்டவர்கள் கடமையை பொறுப்பேற்கும் வைபவம் இன்று கட்சியின் அட்டன் தலைமையகத்தில் இடம்பெற்றது.
இதனை முன்னிட்டு காலை கொட்டகலை ஸ்ரீ முத்துவிநாயகர் தேவஸ்தானத்தில் வழிபாடுகள் இடம்பெற்றது. தொடர்ந்து கட்சியின் தலைமையகத்தில் அமரர் சந்திரசேகரனின் திருவுருவப்படத்துக்கு விளக்கேற்றும் நிகழ்வில் இணைத்தலைவரும் பாராளுமன்ற உறுப்பினருமான அ.அரவிந்தகுமார் பிரதிச்செயலாளர் அனுஷh சந்திரசேகரன் கட்சியின் செயலாளர் நாயகம் அ.லோரன்ஸ் உட்பட முக்கியஸ்தர்கள் விளக்கேற்றி அஞ்சலி செலுத்தினர்.
தொடர்ந்து பதவிகளுக்காக தெரிவுசெய்யப்பட்ட மலையக மக்கள் முன்னணியின் அரசியல்துறைத்தலைவரும் தொழிலாளர் முன்னணியின் இணைத்தலைவரும் பாராளுமன்ற உறுப்பினருமான அ.அரவிந்தகுமார் பிரதிச்செயலாளர் அனுஷh சந்திரசேகரன் தொழிலாளர் முன்னணியின் நிதிச்செயலாளர் எல்.விஸ்வநாதன் பிரதி பொதுச்செயலாளர் டி.பிரசாத் நிர்வாக செயலாளர் எஸ்.அஜித்குமார் உள்ளிட்டவர்கள் தங்களது கடமைகளை பொறுப்பேற்றுக்கொண்டனர்.
இந்நிகழ்வில் மலையக மக்கள் முன்னணியின் உபதலைவர் எஸ்.திலகேஸ்வரன் மலையக தொழிலாளர் முன்னணியின் சிரேஸ்ட உபதலைவர்களான எஸ்.ஜெயபாரதி பி.எஸ்.கிருஸ்ணன் ஆர்.சந்திரமணி பொதுச்செயலாளர் க.சுப்பிரமணியம் உள்ளிட்ட கட்சியின் முக்கியஸ்தர்களும் உத்தியோகத்தர்களும் கலந்துகொண்டனர்.
