உண்பதற்கு விற்பனை செய்யப்படும் வெற்றிலை பக்கெட்டில் புகையிலை பயன்பாட்டை தடை செய்யும் வகையிலான வர்த்தமானி அறிவித்தல் வெளியிடப்பட்டுள்ளதாக இலங்கை பல் வைத்தியர்கள் சங்கம் அறிவித்துள்ளது.
புகைப்பதற்குப் பயன்படுத்தாத புகையிலை வகைகளை உற்பத்தி செய்வதனை தடை செய்யும் வர்த்தமானி அறிவித்தல் ஊடாகவே வெற்றிலைப் பக்கெட்டில் பயன்படுத்தும் புகையிலைக்கும் தடை உரித்தாவதாகவும் சங்கம் சுட்டிக்காட்டியுள்ளது.
இந்த வர்த்தமானி அறிவித்தல் காலத்தின் தேவையாகும் எனவும் அச்சங்கம் குறிப்பிட்டுள்ளது. பாடசாலை மாணவர்களை இலக்கு வைத்து இந்த வகையான புகையிலை பயன்படுத்தப்படுவதாகவும் அச்சங்கம் கூறியுள்ளது.
இம்முறை உலக வாய்ச் சுகாதார தினத்தை நினைவு கூறும் தேசிய நிகழ்வு எதிர்வரும் 20 ஆம் திகதி இரத்தினபுரியில் நடைபெறவுள்ளதாகவும் பல் வைத்தியர்கள் சங்கம் மேலும் தெரிவித்துள்ளது.
.jpeg)
