திருகோணமலை.மொறவெவ பொலிஸ் பிரிவிற்குற்பட்ட டி -01 பகுதியில் வன இலாக்கா அதிகாரியை தாக்கியதாக கூறப்படும் மூன்று பேரை நேற்றிரவு (06) கைது செய்துள்ளதாக மொறவெவ பொலிஸார் தெரிவித்தனர்.
இவ்வாறு கைது செய்யப்பட்டவர்கள் பன்குளம்.டி-01 பகுதியைச்சேர்ந்த பீ.பாக்கியராஷா (62வயது) கே.லோகேஸ்வர ராஷா (36வயது) மற்றும் கே.வினோதரன் (22வயது) எனவும் பொலிஸார் தெரிவித்தனர்.
சம்பவம் குறித்து தெரியவருவதாவது-
பன்குளம் -டி 01 பகுதியில் சட்டவிரோதமான முறையில் மரங்களை வெட்டுவதாக கிடைக்கப்பெற்ற தகவலையடுத்து அங்கு சென்ற வன இலாக்கா அதிகாரியுடன் வாக்கு வாதப்பட்டதையடுத்து கைகலப்பாக மாறியதாகவும் தெரியவருகின்றது.
தாக்குதலுக்குள்ளான வன இலாக்கா அதிகாரியான தினேஸ் ரொஷாந்த (37வயது) திருகோணமலை பொது வைத்தியசாலையில் அனுமதிக்கப்பட்டுள்ளார்.
தாக்கிய மூவரையும் கைது செய்துள்ளதாகவும் இன்றைய தினம் நீதிமன்றில் ஆஜர்படுத்தவுள்ளதாகவம் மொறவெவ பொலிஸார் தெரிவித்தனர்.
