7ஆவது ஆண்டில் தடம்பதிக்கும் இம்போர்ட் மிரர் ஊடக வலையமைப்புக்கு தனது வாழ்த்துக்களையும் - பாராட்டுக்களையும் தெரிவித்துக்கொள்வதாக புனர்வாழ்வு மற்றும் மீள்குடியேற்ற இராஜாங்க அமைச்சர் எம்.எல்.ஏ.எம்.ஹிஸ்புல்லாஹ் தெரிவித்தார்.
7ஆவது அகவையில் இன்று கால்பதிக்கும் இம்போர்ட் மிரர் ஊடக வலையமைப்புக்கு அவர் விடுத்துள்ள வாழ்த்துச் செய்தியிலேயே இவ்வாறு குறிப்பிடப்பட்டுள்ளது.
அதில் அவர் மேலும் குறிப்பிட்டுள்ளதாவது,
நவீன ஊடக யுகத்தில் புரட்சிகரமான ஆரம்பத்தை எடுத்துள்ள இம்போர்ட் மிரர் ஊடக வலையமைப்பானது 2010ஆம் ஆண்டு ஆரம்பிக்கப்பட்டு இன்று வரை சிறப்பான முறையில் இயங்கி வருகின்றது. நடுநிலையான செய்திகளை வழங்குவதிலும், சமூகத்தை தெளிவூட்டும் விடயத்திலும் இம்போர்ட் மிரர் தனிச்சிறப்பு மிக்க பணியை ஆற்றியுள்ளது; ஆற்றிவருகின்றது.
எதிர்காலத்திலும் மேலும் பல ஊடக சாதனைகளை படைத்து தொடர்ந்தும் முன்னேறிச் செல்ல எனது வாழ்த்துக்களையும், பாராட்டுக்களையும் இம்போர்ட்மிரர் குழுமத்துக்கு தெரிவித்துக்கொள்ள விரும்புகிறேன் - என அதில் குறிப்பிடப்பட்டுள்ளது.
