மறைந்த முன்னாள் ஜனாதிபதி ரணசிங்க பிரேமதாஸவின் 24வது சிரார்த்த தின நிகழ்வு இன்று காலை (01) கொழும்பு 12, ஹல்ஸ்ரப் உயர் நீதி மன்ற வளாகத்திற்கு அருகில் உள்ள அவரது உருச்சிலைக்கருகில் முன்னாள் ஜனாதிபதியின் புதல்வரும் அமைச்சருமான சஜித் பிரேமதாஸ தலைமையில் இடம் பெற்றது.
இந்நிகழ்வில் ஜனாதிபதி மைத்திரிபால சிறிசேன, பிரதமர் ரணில் வின்ரமசிங்ஹ, சபாநாயகர் கரு ஜயசூரிய, அமைச்சர்களான ரவி கருணாநாயக்க, ரி.எம்.சுவாமிநாதன், விஜயகலா மகேஸ்வரன், கயந்த கருணாதிலக உள்ளிட்ட பல அமைச்சர்கள், பாராளுமன்ற உறுப்பினர்கள், மேல்மாகாண ஆளுநர், முன்னாள் ஜனாதிபதியின் பாரியார் ஹேமா பிரேமதாஸ மற்றும் அவரது குடும்ப உறுப்பினர்கள், சமயத் தலைவர்கள் எனப் பெருந்திரலானவர்கள் கலந்து கொண்டிருந்தனர்.
நிகழ்வில் அமரர் பிரேமதாஸவின் உருவச்சிலைக்கு ஜனாதிபதி, பிரதமர்,திருமதி பிரேமதாஸ, சஜித் பிரேமதாஸ மற்றும் அவரது குடும்ப உறுப்பினர்களும் மலர் அஞ்சலி செலுத்தினர். இதன்போது கொழும்பு மாவட்டத்தில் வீடுகளில்லாத வறிய குடும்பங்களுக்கு வீட்டு உறுதிப்பத்திரங்கள் பிரதமர், அமைச்சர் சஜித் பிரேமதாஸா ஆகியோரால் வழங்கி வைக்கப்பட்டன.
