இந்தோனேசியாவின் மேற்கு ஜகார்த்தா நகரிலுள்ள மேர்கு வுயானா பல்கலைக்கழகத்தில் நடைபெற்ற 4 வது சர்வதேச இளம் கண்டுபிடிப்பாளர்களுக்கான விருது வழங்கும் போட்டி நிகழ்வில் கல்முனை ஸாஹிரக் கல்லூரி உயர்தர பொறியியல் தொழில்நுட்ப பிரிவைச் சேர்ந்த மேற்குறித்த மாணவன் சூரிய சக்தியினால் இயங்கும் விசுறும் இயந்திரத்தை காட்சிப்படுத்தி தங்கப் பதக்கத்தை வென்றுள்ளார். அம்மாணவனை விளையாட்டுத்துறை பிரதி அமைச்சர் ஹரீஸ் நேரில் சென்று வாழ்த்தினார்.
தாய் நாட்டிற்கு பெருமை சேர்த்துள்ள குறித்த மாணவன் எதிர்காலத்தில் தனது முயற்சியினை விரிவான முறையில் முன்னெடுத்துச் செல்வதற்கு இப்பாடசாலை பக்க பலமாக இருந்து அவரை ஒரு சிறந்த விஞ்ஞானியாக திகழ்வதற்கு வழிவகுக்க வேண்டும். இதற்கு எல்லாம் வல்ல இறைவன் துணைபுரிய பிரார்த்திப்பதாக பிரதி அமைச்சர் ஹரீஸ் இதன்போது தெரிவித்தார்.
மேலும் சர்வதேச சிறுவர் தினத்தினை முன்னிட்டு பாடசாலை மாணவர்களுக்கிடையில் நடைபெற்ற போட்டி நிகழ்வில் வெற்றி பெற்ற மாணவர்களுக்கு பிரதி அமைச்சர் ஹரீஸினால் பரிசில்களும் வழங்கிவைக்கப்பட்டது.
இதன்போது பாடசாலை அதிபர் எம்.எஸ் முகம்மட், பொறியியல் தொழில்நுட்ப பிரிவு பகுதித் தலைவர் ஏ. ஆதம்பாவா, கல்முனை மாநகர சபை முன்னாள் பிரதி முதல்வர் ஏ.ஏ. பஷீர், விளையாட்டுத்துறை பிரதி அமைச்சரின் இணைப்புச் செயலாளர்களான நௌபர் ஏ. பாவா, கே.எம். தௌபீக், பிரதி அதிபர்கள் மற்றும் பாடசாலை அபிவிருத்தி சங்க உறுப்பினர்கள் உள்ளிட்ட பலர் கலந்து கொண்டனர்.
