இந்நிகழ்வுக்கு பிரதம அதிதியாக கிழக்கு மாகாண கல்விப் பணிப்பாளர் எம்.ரி.ஏ.நிஸாமும் கௌரவ அதிதிகளாக கல்முனை வலயக் கல்விப் பணிப்பாளர் எம்.எஸ்;.ஏ.ஜலீல் மற்றும்அமையத்தின் பிரதம ஆலோசகர் கால்நடை அபிவிருத்தி திணைக்கள மாகாணப்பணிப்பாளர் டாக்டர்எம்.ஏ.எம்.பாஸி (காமில்) ஆகியோரும் அதிதிகளாக கல்முனை கோட்டக் கல்விப் பணிப்பாளர் ஏ .எல்.ஏ .சக்காப் ,தென்கிழக்குப் பல்கலைக்கழக பொறியல்பீட பீடாதிபதி எஸ்.எம்.ஜுனைடீன், கிழக்கு பல்கலைக் கழக சிரேஷ்ட உதவிப் பதிவாளர் எம்.எப். மர்சூக், பிரதிக்கல்விப்பணிப்பாளர் எம்.எல்.ஏ.றஹீம், கிழக்கு பல்கலைக் கழக சிரேஷ்ட விரியுரையாளர் றியாஸ் அஹமத் போன்றோரும் கலந்துகொண்டனர்.
SESEF அமைப்பின் அனுசரணையுடன் இடம்பெற்ற மருதமுனையின் கல்வி அபிவிருத்தி குறித்த மேற்படி விசேட கலந்துரையாடலில்
2016, 2017 ஆகிய வருடங்களில் மருதமுனை பாடசாலைகளின் பெறுபேறுகளின் வீழ்ச்சி நிலை குறித்தும் விசேட கவனம் செலுத்தப்பட்டது. இங்கு பாடசாலைகளின் அதிபர்கள் குறித்த ஆண்டில் மாணவர்கள் பெற்ற அடைவுகள் தொடர்பில் புள்ளிவிபரங்களை சமர்ப்பித்ததுடன் வீழ்ச்சிக்கான அவர்கள் தரப்பு காரணங்களையும் முன்வைத்தனர். இதன்போது சம்மந்தப்பட்ட பாடங்களுக்கான ஆசிரியர்களும் பிரசன்னமாகியிருந்ததால் அதே இடத்தில் தீர்வுகளும் முன்வைக்கப்பட்டன.
இந்நிகழ்வின்போது மாகாணப் பணிப்பாளர் எம்.ரி.ஏ.நிஸாம் எதிர்கால கல்வி முன்னேற்றம்தொடர்பில் மேற்கொள்ளப்படவேண்டிய எதிர்கால நடவடிக்கைகள் குறித்த பொருத்தமான ஆலோசனைகளையும், வழிகாட்டல்களையும் வழங்கினார்.
