வரலாற்றுப்பிரசித்திபெற்ற உகந்தமலை முருகனாலயத்தின் வருடாந்த
தைப்பூசத்திருநாள் பெருவிழா எதிர்வரும் புதன்கிழமை(31.1.2018) நடைபெறும்.
அன்றைய தினம் சந்திரகிரகணம் பி.ப.5.18க்கு தொட்டு இரவு 8.42க்கு மோட்சம்
அடைவதால் அன்றைய தைப்பூச நிகழ்வுகள் யாவும் பி.ப.4மணிக்கு முன்பாகவே
நடைபெறும் என ஆலய நிருவாகசபைச் செயலாளர் கு.ஸ்ரீபஞ்சாட்சரம்
தெரிவித்தார்.
அன்று(31.1.2018) காலை 10மணிக்கு பாற்குடபவனி மலைக்கோயில் வள்ளிநாயகி
ஆலயத்திலிருந்து ஆரம்பிக்கப்படவுள்ளது. பால் ஒழுங்கு செய்யப்பட்டுள்ளதாக
ஸ்ரீபஞ்சாட்சரம் கூறினார்.
பி.ப. 1மணிக்கு திருவிளக்குப்பூஜை தொடர்ந்து வசந்தமண்டப பூஜை அலங்கார
பூஜை தொடர்ந்து சுவாமி உள்வீதி வெளிவீதி உலாவரலும்
இடம்பெறும்.திருவிளக்குப்பூஜைக்கான ஆயத்தங்களுடன் அடியார்கள்
வருகைதரவேண்டும் எனக் கேட்கப்பட்டுள்ளது.
அன்று பகல் அன்னதானம் வருடாந்த உபயகாரர் மட்.ஆசிரியர்கலாசாலை ஓய்வுநிலை
அதிபர் வே.இலட்சுமிசுந்தரம் அவர்களால் வழங்கப்படும்.
விசேட போக்குவரத்து ஒழுங்குகளும் செய்யப்பட்டுள்ளதாக செயலாளர்
ஸ்ரீபஞ்சாட்சரம் தெரிவித்தார்.
