பல்லாயிரக்கணக்கான உணர்வுள்ள மக்கள் கடலாய் சங்கமித்திருந்த நிகழ்வுக்கு பிரதம அதிதியாக சுயட்சைக் குழுவின் தலைவர் தொழிலதிபர் சமூக சிந்தனையாளர் எம்.எச்.எம்.நௌபர் கலந்து சிறப்பித்தார்.
சாய்ந்தமருதுக்கான தனியானதொரு உள்ளுராட்சிசபை என்ற இலக்கை நோக்கிய மக்கள் பணிமனை மூலம் களமிறங்கியுள்ள மக்களின் பிரதிநிதிகள், உலமாக்கள், ஊர்ப்பற்றாளர்கள் மற்றும் உணர்வுள்ள மக்கள் என பல்லாயிரக்கணக்கான மக்கள் சமுத்திரத்தின் முன்பாக சாய்ந்தமருதுக்கான உள்ளுராட்சிசபையின் அவசியம் பற்றியும் அதற்கு ஏற்பட்டுள்ள தடைகள் பற்றியும் அதனை முறியடிக்க மக்கள் ஒன்றுதிரள வேண்டியதன் அவசியம் பற்றியும் பேச்சாளர்களால் பிரஸ்தாபிக்கப்பட்டது.
சாய்ந்தமருதுக்கான உள்ளுராட்சிசபையை பெறும் தூய்மையான நோக்கத்தின் அடிப்படையில் மக்களின் பெரும்பான்மை வாக்குப்பலத்துடன் கல்முனை மாநகரசபைத் தேர்தலில் சாய்ந்தமருதிலுள்ள 6 வட்டாரங்களையும் வென்று சாய்ந்தமருது மக்களின் ஒற்றுமையை தேசியத்துக்கு காட்டும் செயட்பாடே இது என்றும் சிலர் கூறித்திரிவதுபோன்று உள்நோக்கமோ அல்லது எவரதும் அஜந்தாக்களுக்குமோ தாங்கள் செயற்ப்படவில்லை என்றும் வெற்றி கொண்டு போணஸ் ஆசனத்துடன் பொதுமக்களின் ஆணையைப் பெற்று தேர்தல் முடிந்தாலும் மக்கள் பணிமனை மூலம் சாய்ந்தமருதிற்கான தனியான உள்ளுராட்சி சபை கிடைக்கும் வரையில் எமது போராட்டம் தொடரும். என்ற வாக்குறுதியும் இங்கு வழங்கப்பட்டது.
சபைக்கு வருகைதந்திருந்த அதிதிகளால், மக்கள் ஒருமித்த ரீதியில் எதற்கும் தலைசாய்த்து விடாது வாக்களிக்க வேண்டியதன் அவசியமும் இங்கு வலியுறுத்தப்பட்டது.
நிகழ்வின்போது முஹர்ரம் பஸ்மிரின் அனுசரணையுடன் யூ.எல்.அக்பரின் இசையில் மருதூர் பீமாவின் வரியில் யூ.எல்.அக்பர், ஏ.எச்.ஏ.பாஸில், எம்.என்.எம்.சஹ்மி, எம்.ஆர்.ஆஸிக் ஆகியோர் இணைந்து பாடிய மருதூர் எழுச்சிக் கீதம் என்ற எளுவட்டும் வெளியிட்டு வைக்கப்பட்டது.
