தமிழா இணையத்தள விருது விழா தமிழா இணையத்தளத்தின் நிறைவேற்றுப் பணிப்பாளர் எஸ்.எம்.ஜெலீஸ் தலைமையில் சம்மாந்துறை அப்துல் மஜீட் மண்டபத்தில் நேற்று இடம்பெற்றது.
சம்மாந்துறை பிரதேச செயலாளர் எஸ்.எல்.எம்.ஹனீபா, கல்முனை பிராந்திய மலேரியா மருத்துவ அதிகாரி டாக்டர் எம்.எம்.நௌஷாட், சம்மாந்துறை நீர்ப்பாசன காரியாலய பணிப்பாளர் பொறியாலளர் எம்.எஸ்.எம்.நபாஸ், கெப்சோ நிறுவனத்தின் திட்டப் பணிப்பாளர் ஏ.ஜே.காமிட் இம்டாட், வீயூகம் முகநூல் ரீ.வீயின் பணிப்பாளர் எஸ்.ஜனுஸ், தமிழா இணையத்தளத்தின் பிராந்திய முகாமையாளர் ஜே.எம்.பாஸித், டி.எம்.கே.நிறுவனத்தின் தலைவர் எஸ்.கலீல், தென்கிழக்கு பல்கலைக்கழக பாதுகாப்பு அதிகாரி எஸ்.சலீம், உள்ளிட்ட பலர் கலந்துகொண்டனர்.
இதன்போது மக்கள் விருது, கல்விச் சுடர் விருது, சமூக சேவைகள் விருது, விவசாய ஊக்குவிப்பு விருது போன்ற விருதுகள் சம்மாந்துறை பிரதேசத்தில் தெரிவுசெய்யப்பட்ட 40பேர்களுக்கு வழங்கி கௌரவிக்கப்பட்டனர்.
