பாலமுனை அல் ஹிக்மா வித்தியாலயத்தில் இவ்வாண்டு தரம் ஒன்றிற்கு புதிய மாணவர்களை வரவேற்கும் 'வித்தியாரம்ப விழா' நிகழ்வுகள் (17) வியாழக்கிழமை பாடசாலை அதிபர் எம்.எச். அப்துல் றஹ்மான் தலைமையில் நடைபெற்றது.
தேசிய ரீதியில் கல்வி அமைச்சின் நிகழ்ச்சித் திட்டத்தின் அடிப்படையில் நடைபெற்ற தரம் ஒன்றிற்கு புதிய மாணவர்களை வரவேற்கும் வகையில் இந்நிகழ்வு சிறப்பாக நடைபெற்றது.
இவ்விழாவில் தரம் ஒன்று புதிய மாணவர்கள் தரம் 2 மாணவர்களால் மாலை அணிவித்து, சின்னம் சூட்டி வரவேற்கும் நிகழ்வு நடைபெற்றதுடன் ஆரம்ப பிரிவு மாணவர்களின் கலை கலாசார நிகழ்வுகளும் நடைபெற்றன. மேலும் தரம் ஒன்றிற்கு உள்வாங்கப்படும் சிறார்களின் பெற்றோருக்கு ஆரம்பக் கல்வி தொடர்பான கலைத் திட்டம் பற்றிய தெளிவூட்டலும் மேற்கொள்ளப்பட்டன.
இந்நிகழ்வுக்கு அக்கரைப்பற்று வலயக் கல்வி அலுவலக பிரதிக்கல்விப் பணிப்பாளர் ஏ.ஜி. பஸ்மில் பிரதம அதிதியாகவும், அட்டாளைச்சேனை கல்வியியற் கல்லூரி உதவி பீடாதிபதி எம்.ஐ. ஜௌபர் கௌரவ அதிதியாகவும், விசேட அதிதிகளாக கலாபூஷணம் பாலமுனை பாறூக், பிரதி அதிபர் பி. முஹாஜிரீன், சின்னப்பாலமுனை ஜூம்ஆப் பள்ளிவாயல் தலைவர் ஏ.உதுமாலெவ்வை, கிராம நிலதாரி ஐ.எல்.எம். முனாஸ், பொருளாதார அபிவிருத்தி உத்தியோகத்தர்களான ஐ.எல்.எம். இர்பான், எஸ்.எச். தம்ஜீது, கே.எம். மொகிடீன், சமுர்த்தி அபிவிருத்தி உத்தியோகத்தர் பி.எம். ஹூஸைர் உட்பட ஆசிரியர்களும் பாடசாலை அபிவிருத்திச் சங்க உறுப்பினர்களும் பெற்றோர்களும் கலந்து கொண்டனர்.
