இலங்கை கிரிக்கெட் அணியின், அடுத்து பங்கேற்கவுள்ள கிரிக்கெட் தொடருக்கான பட்டியல் வெளியாகியுள்ளது.
அவுஸ்திரேலியாவுக்குச் சென்றுள்ள இலங்கை அணி, இரண்டு டெஸ்ட் போட்டிகள் கொண்ட தொடரில் விளையாடவுள்ளது.
ஜனவரி 24 ஆம் திகதி முதல் இந்த டெஸ்ட் போட்டி ஆரம்பமாகிறது.
இரண்டாவது டெஸ்ட் போட்டி, பெப்ரவரி முதலாம் திகதி ஆரம்பமாகவுள்ளது.
இதன் பின்னர், தென்னாபிரிக்காவுக்குச் சுற்றுப் பயணம் மேற்கொள்ளும் இலங்கை அணி டெஸ்ட், ஒருநாள் மற்றும் டி - 20 தொடரில் விளையாடுகிறது.
இரு அணிகளுக்கு இடையிலான முதல் டெஸ்ட் போட்டி, பெப்ரவரி மாதம் 13 ஆம் திகதியன்றும், இரண்டாவது போட்டி பெப்ரவரி 21 ஆம் திகதியன்றும் நடக்கவுள்ளது.
இதன்பின்னர் நடக்கும் ஐந்து போட்டிகள் கொண்ட ஒருநாள் தொடரின் முதல் போட்டி, மார்ச் மாதம் மூன்றாம் திகதி நடைபெறுகிறது.
மார்ச் 6 ஆம் திகதி இரண்டாவது போட்டியும், மார்ச் 10 ஆம் திகதி மூன்றாவது போட்டியும், மார்ச் 13 ஆம் திகதி நான்காவது போட்டியும், மார்ச் 16 ஆம் திகதி ஐந்தாவது போட்டியும் நடைபெறவுள்ளது.
இதையடுத்து டி - 20 தொடர் நடக்கவுள்ளது. மார்ச் 19 ஆம் திகதி முதலாவது போட்டியும், மார்ச் 22ஆம் திகதி இரண்டாவது போட்டியும், மார்ச் 24 ஆம் திகதி மூன்றாவது போட்டியும் நடைபெறவுள்ளதாகவும் அறிவிக்கப்பட்டுள்ளது.
