கல்முனை பிராந்திய சுகாதார சேவைகள் பணிப்பாளர் பணிமனையில் போதையிலிருந்து விடுதலை பெற்ற நாட்டிற்கான 'சித்திரை புதுவருட உறுதி உரை' நிகழ்வு இன்று (10) புதன்கிழமை நடைபெற்றது.
ஜனாதிபதியின் நிலைபேறான அபிவிருத்தி எண்ணக்கருவின் கீழ் அவரது நேரடி கண்காணிப்பு மற்றும் நெறிப்படுத்தலுடன் செயற்படுத்தப்படுகின்ற 'போதையிலிருந்து விடுதலை பெற்ற நாடு' போதைப் பொருள் தடுப்பு தேசிய நினழ்சிசத்திட்டத்திற்கு அமைவாக இந்நிகழ்வு நடைபெற்றது.
கல்முனை பிராந்திய சுகாதார சேவைகள் பணிப்பாளர் வைத்திய கலாநிதி ஏ.எல். அலாவுத்தீன் தலைமையில் நடைபெற்ற இந்நிகழ்வில் பிராந்திய சுகாதார சேவைகள் பணிப்பாளர் பணிமனையின் உத்தியோகத்தர்கள் போதையிலிருந்து விடுதலை பெற்ற நாட்டிற்கான உறுதிப் பிரகடனம் செய்துகொண்டனர்.
