நிஸா மருதமுனை-
சது வீரத்திடல் அல்-ஹிதாயா மஹா வித்தியாலத்தில் சாதாரண தரத்தில்
திறமைச் சித்தி பெற்று வரலாற்று சாதனை படைத்த ஏ.ஜே.முஹம்மது ஹம்தி எனும் மாணவனை கௌரவிக்கும் முகமாக, பொன்னாடை போர்த்தி, பதக்கம் அணிவித்து, நினைவுச்சின்னமும் வழங்கி வைத்ததுடன் உயர்தரத்திற்கு தகுதி பெற்ற மாணவர்களுக்கு அல்-குர்ஆன் பிரதிகள் அன்பளிப்பு வழங்கும் நிகழ்வு சம்மாந்துறை மனித நேய நற்பணி மன்றத்தினால் கடந்த வியாழன்(18) அன்று பாடசாலை கேட்போர் கூடத்தில் இடம்பெற்றது.
இந்நிகழ்வில் மனிதநேய நற்பணி மன்றத்தின் ஸ்தாபகரும் பிரதம நிறைவேற்று பணிப்பாளருமான இர்சாத் ஏ காதர், மனிதநேய நற்பணி மன்ற செயலாளரும் சம்மாந்துறை வலையக்கல்வி பணிப்பாளருமான அ.முஸ்தக் அலி, நற்பணி மன்றத்தின் சமூகவலுவூட்டல் கலாசார சமய விவகார பிரிவின் ஆலோசகரும் சம்மாந்துறை ஜம்இய்யத்துல் உலமா சபையின் தலைவருமான அல்ஹாஜ் மௌலவி எம்.ஆர்.அஹமட் ஜலீல் (ஹாமி) , நற்பணி மன்றத்தின் நிதிச் செயலாளர் எஸ்.நைசர் ஆசிரியர், பாடசாலை அதிபர் எம்.எல்.பதியுதீன் ,மாணவர்களின் பெற்றோர்கள் உள்ளிட்ட அனைவரும் இந்நிகழ்வில் கலந்துகொண்டனர்.
