அந்த அறிக்கையில் மேலும் குறிப்பிட்டுள்ளதாவது,
30 வருட கால யுத்தத்திற்கு பின்னர் நாடு சுமூகமான நிலையினை அடைந்துள்ளதுடன், இந்நாட்டில் மீண்டும் பிரிவினைகளை ஏற்படுத்தி இனங்களுக்கிடையில் விரிசல்களை ஏற்படுத்த சில அடிப்படை வாத சக்திகள் முயற்சிக்கின்றன.
அந்தவகையில் நேற்று முன்தினம் இலங்கையில் 08 இடங்களில் இடம்பெற்ற குண்டுத்தாக்குதல்கள் இதற்கு உதாரணாமாகும். வணக்கஸ்தலங்கள் என்பது மனிதர்கள் தங்களது மன ஆறுதலுக்காகவும், இறை ஆசிக்காகவும் ஒன்று கூடும் இடமாகும். இந்த இடங்களுக்குச் சென்று தாக்குதல் நடாத்துவதென்பது கோழைத்தனமானதும், மிலேச்சத்தனமானதுமான செயற்பாடாகும். இவ்வாறான தாக்குதல்கள் மூலம் தாக்குதல் நடத்தியவர்கள் ஒன்றையுமே சாதிக்க முடியாது.
மேலும் இந்த கால கட்டமானது இலங்கையில் உல்லாச பயணிகளின் வருகை அதிகமாக காணப்படும் நிலையில் இவ்வாறான தாக்குதல்கள் மூலம் இலங்கையில் பொருளாதாரத்தினை வீழ்ச்சிப்படுத்தும் திட்டமிட்ட செயற்பாடாகவும் அவதானிக்க முடிகின்றது. மேலும் இந்த தாக்குதலானது ஒரு சமூகம் இன்னொரு சமூகத்தை சந்தேக கண் கொண்டு பார்ப்பதற்கான சந்தர்ப்பத்தை ஏற்படுத்தி கொடுத்திருப்பதோடு, நாட்டின் நல்லிணக்கம் ஏற்படுவதற்கு சவாலான காரியமொன்றாகவும் அமைந்துள்ளது.
எனவே மனிதாபிமானமற்ற இத்தாக்குதலானது எவராலும் மன்னிக்க முடியாத குற்றம் என்பதுடன், இந்த தாக்குதலில் தொடர்புபட்ட அனைவரும் சட்டத்தின் முன் நிறுத்தி தண்டிக்கப்படவேண்டும். அத்துடன் இந்த தாக்குதலில் உயிர் நீத்த உள்நாட்டு மற்றும் வெளிநாட்டவர்களுக்கு தனது ஆழ்ந்த இரங்கலை தெரிவிப்பதுடன், காயமடைந்து சிகிச்சை பெற்றுவரும் அனைவரும் விரைவில் சுகமடைய பிரார்த்திப்பதாகவும் அந்த ஊடக அறிக்கையில் குறிப்பிட்டுள்ளார்.
