"நாட்டுக்காக ஒன்றிணைவோம்" தேசிய வேலைத்திட்டத்தின் கீழ் சமுர்த்தி அபிவிருத்தித் திணைக்களத்தின் நிதியொதுக்கீட்டில் சாய்ந்தமருது ஒராபிபாஷா குறுக்கு வீதிக்கு கொங்கிறீட் இடுதல் மற்றும் சாய்ந்தமருது - 01ம் பிரிவில் திரிய பியச வீடு நிர்மாணம் போன்ற அபிவிருத்தி வேலைகளுக்கு அடிக்கல் நடும் நிகழ்வு இன்று (10) வெள்ளிக்கிழமை சாய்ந்தமருது - 01ம் பிரிவில் இடம்பெற்றது.
சாய்ந்தமருது பிரதேச செயலக தலைமைப்பீட சிரேஷ்ட சமுர்த்தி முகாமையாளர் ஏ.ஆர்.எம்.சாலிஹ் தலைமையில் இடம்பெற்ற இந்நிகழ்வுக்கு சாய்ந்தமருது பிரதேச செயலாளர் ஐ.எம்.றிகாஸ் பிரதம அதிதியாக கலந்து கொண்டு வேலைத்திட்டங்களை ஆரம்பித்து வைத்தார்.
இந்நிகழ்வில் கிராம சேவக நிர்வாக உத்தியோகத்தர் எம்.ஜஃபர், உதவி முகாமையாளர் ஏ.எம்.எம்.றியாத், சமுர்த்தி அபிவிருத்தி உத்தியோகத்தர்களான ஏ.எம். காலிதீன், ஏ.எம்.அபுல் ஹுதா, யூ.கே. சிராஜ், எம்.எம். சஹாப்தீன் உள்ளிட்ட பொதுமக்கள் என பலரும் கலந்து கொண்டனர்.