திருகோணமலை மாவட்ட ஊடகவியலாளர் சங்கத்தின் ஊடக கோவைகள் அடங்கிய நூல் வெளியீட்டு விழாவானது திருகோணமலை மாவட்ட ஊடகவியலாளர் சங்கத்தின் தலைவர் அ.அச்சுதன் தலைமையில் இடம் பெறவுள்ளது.
இக் குறித்த நூல் வெளியீட்டு நிகழ்வானது 22.06.2019 ம் திகதி அன்று சனிக் கிழமை மாலை 3.00 மணிக்கு திருகோணமலை நகர சபை மண்டபத்தில் இடம் பெறவுள்ளது.
மங்கள விழக்கேற்றலுடன் ஆரம்பமாகும் நிகழ்வில் வரவேற்புரையை சங்கத்தின் செயலாளர் ஆர்.ஜீ.தர்மதாச நிகழ்த்துவர்.நூல் பற்றிய அறிமுகத்தை சுயாதீன ஊடகவியலாளர் வடமலை ராஜ்குமார் நிகழ்த்த நூல் பற்றிய பார்வையை சுயாதீன ஊடகவியலாளர் லக்மால் பதுகே நிகழ்த்துவதுடன் இறுதியாக நன்றியுரையினை சங்கத்தின் சிரேஷ்ட உபதலைவர் ஏ.எல்.றபாய்தீன் பாபு முன்வைப்பார்.
ஊடக சங்கத்தின் இக் குறித்த மீடியா டிரக்டரி நூலில் மாவட்ட பதிவு செய்யப்பட்ட ஊடகவியலாளர் சங்க உறுப்பினர்களின் புகைப்படத்துடன் கூடிய விபரங்கள் உள்ளடக்கப்பட்டுள்ளதுடன் ஏனைய முக்கிய அரச நிறுவனங்களின் தொலைபேசி அடங்கிய விபரங்களும் திரட்டப்பட்டு உள்ளடக்கப்பட்டுள்ளது.
நாட்டில் உள்ள ஏனைய மாவட்டங்களை விடவும் மூவினத்தையும் உள்ளடக்கிய ஒரே சங்க உறுப்பினர்களை கொண்ட ஊடகவியலாளர் சங்கமாக திருகோணமலை மாவட்ட ஊடகவியலாளர் சங்கம் செயற்பட்டு வருகிறது.
இவ் நிகழ்வில் முதன்மை அதிதிகளாக திருகோணமலை மாவட்ட நாடாளுமன்ற உறுப்பினர்களான இரா.சம்மந்தன், சுசந்த புஞ்சிநிலமே, எம்.எஸ்.தௌபீக் உள்ளிட்ட மாவட்ட ஊடகவியலாளர்கள் சமூக ஆர்வலர்கள் என பலரும் கலந்து கொள்ளவுள்ளார்கள்.
