மருதமுனை எம்.எம்.நௌபல் எழுதிய “ஆன்மாவின் ஒரு துளிவெட்கம் ” கவிதை நூல் வெளியீட்டு விழா ஞாயிற்றுக்கிழமை(07-07-2019) மருதமுனை பொது நூலக கேட்போர் கூடத்தில் கவிஞர் அலறி தலைமையில் நடைபெறவுள்ளது. முன்னிலை அதிதிகளாக தென்கிழக்குப் பல்கலைக்கழக சிரேஸ்ட விரிவுரையாளர் ஏ.ஏ.முகம்மது நுபைல்,ஓய்வு பெற்ற நிருவாக உத்தியோகத்தர் எம்.பி.ஏ.ஹஸன் ஆகியோர் கலந்து கொண்டனர்
.
இலக்கிய அதிதிகளாக எழுத்தாளர் உமாவரதராஜன்,பேராசிரியர் றமீஸ் அப்துல்லா,ஆய்வாளர் மன்சூர் ஏ. காதர்,கவிஞர் ஆசுகவி அன்புடீன் ஆகியோரும் கலந்து கொண்டனர்.நூலின் முதல் பிரதியை விரிவுரையாளர் ஏ.ஏ.முகம்மது நுபைல் கல்முனை பிரதேச செயலக பிரதம முகாமைத்தவ உதவியாளர் எஸ்.எம்.றபாயுதீனுக்கு வழங்கினார்.
வரவேற்புரையை தலைமைப்பீட சமுர்த்தி முகாமையாளர் ஏ.ஆர்.எம்.சாலிஹ் நிகழ்த்தினார்.நூல் அறிமுகம் உரையை கவிஞர் டீன்கபூர் நிகழ்த்தினார்.நூல் பற்றிய உரைகளை கலாநிதி சத்தார் எம்.பிர்தௌஸ்,விரிவுரையாளர் கே.எல்.,நப்லா,விமர்சகர் முகம்மட் சப்ரி,விமர்சகர் திலிப் குமார்,ஆய்வாளர் ஆபித் ஆகியோர் நிகழ்த்தினார்கள்.கவிஞர் விஜிலி. நிகழ்ச்சியைத் தொகுத்து வழங்கினார்.
நூலாசிரியர் எம்.எம்.நௌபல் இலக்கியத் துறைக்கு ஆற்றிவரும் சேவையை கௌரவித்து கவிஞர் ஆசுகவி அன்புடீன்,எழுத்தாளர் உமாவரதராஜன்,பேராசிரியர் றமீஸ் அப்துல்லா,ஆய்வாளர் மன்சூர் ஏ.காதர் ஆகியோர் இணைந்து பொன்னாடை போர்த்தி கௌரவித்தனர்.
