காங்கிரஸ் கட்சிக்கான புதிய தலைவரை விரைவில் தேர்ந்தெடுங்கள். ராஜினாமா கடிதத்தை ஏற்கனவே நான் கொடுத்து விட்டதால் நான் தலைவராக இல்லை. காங்கிரஸ் காரிய கமிட்டி கூட்டம் உடனடியாக கூட்டப்பட்டு காங்கிரஸ் தலைவர் தேர்ந்து எடுக்கப்படவேண்டும் என ராகுல்காந்தி தெரிவித்தார்.
இதற்கிடையே, காங்கிரஸ் கட்சியின் மூத்த தலைவரான மோதிலால் வோரா (90), அக்கட்சியின் இடைக்கால தலைவராக நியமனம் செய்யப்பட்டு உள்ளார் என தகவல் வெளியானது.
ஆனால், காங்கிரசின் இடைக்கால தலைவராக நியமனம் செய்யப்பட்டுள்ளது தொடர்பாக, தனக்கு எதுவும் தெரியாது என அவர் தெரிவித்துள்ளார்.
இந்நிலையில், காங்கிரஸ் தலைவராக நான் இல்லை எனக்கூறிய ராகுல் காந்தி, தனது டுவிட்டர் வலைதளத்தில் இருந்து ’காங்கிரஸ் தலைவர்’ என்ற பதிவை நீக்கியுள்ளார்.
