ஐ. ஏ. காதிர் கான்-
செவ்வாய்க்கிழமை (17) இடம்பெற்ற அமைச்சரவைக் கூட்டத்தில், இது தொடர்பிலான சுற்று நிருபத்தை அமுல்படுத்துவது தொடர்பில், பிரதமர் ரணில் விக்கிரமசிங்க, நிதியமைச்சர் மங்கள சமரவீர, அரச நிர்வாக அமைச்சர் ரஞ்சித் மத்தும பண்டார ஆகியோரினால் முன்வைக்கப்பட்ட யோசனைக்கு, அமைச்சர் அமைச்சரவை அனுமதி வழங்கியுள்ளது.
அரசாங்க நிர்வாக சுற்று நிருபம் 25/2014 மற்றும் 25/2014/01 ஆகியன வெளியிடப்பட்ட சந்தர்ப்பத்தில், அந்தச் சுற்று நிருபத்தில் குறிப்பிடப்பட்ட விடயங்களைப் பூர்த்தி செய்ய முடியாமல் போனதன் காரணமாக, நிரந்தர நியமனங்களைப் பெற்றுக் கொள்ளமுடியாத ஊழியர்களுக்கு, குறித்த நியமனம் வழங்க முடிவு செய்யப்பட்டுள்ளது.
அத்துடன், சுற்று நிருபம் வெளியிடப்பட்ட பின்னர், சேவை மற்றும் தேவையின் அடிப்படையில் அரச நிறுவனங்களில் ஆரம்பத் தரங்களுக்கு உட்பட்ட பதவிகளுக்கு தற்காலிக, நாள் சம்பளம், ஒப்பந்த, நிவாரண, பதில் நியமன மற்றும் நிவாரண அடிப்படையில் சேர்த்துக்கொள்ளப்பட்டு, இணைத்துக்கொள்ளப்பட்டு 2019.09.01 தினத்தன்று,
180 நாட்களுக்கு மேலாக சேவையாற்றியுள்ள ஊழியர்கள், உரிய தகுதிகளைப் பூர்த்தி செய்யும் நிலையில் அவர்களை நிரந்தரமாக்கி, ஓய்வூதியத்துடன் நியமனங்களை வழங்குவதற்கு முடிவு செய்யப்பட்டுள்ளது.
