சிலோன் மீடியா போரத்தின் ஏற்பாட்டில் 'குட்பாய் - 2019, ஹலோ 2020! வர்ண இரவு நிகழ்வு (Goodbye - 2019, Hello 2020! Colors Night) எதிர்வரும் 28.12.2019ம் திகதி சனிக்கிழமை இரவு 8.00 மணிக்கு சாய்ந்தமருது-மாளிகைக்காடு பாவா றோயல் வரவேற்பு மண்டபத்தில் இடம்பெறவுள்ளதாக சிலோன் மீடியா போரத்தின் பொதுச்செயலாளர் ஏ.எஸ்.எம்.முஜாஹித் தெரிவித்தார்.
இந்நிகழ்வு பற்றி அவர் மேலும் தெரிவிக்கையில்,
சிலோன் மீடியா போரத்தின் தலைவர் றியாத் ஏ.மஜீத் தலைமையில் இடம்பெறவுள்ள இந்நிகழ்வுக்கு முன்னாள் இராஜாங்க அமைச்சர்கள், பாராளுமன்ற உறுப்பினர்கள், உள்ளுராட்சி மன்றத் தலைவர்கள், உறுப்பினர்கள், முன்னாள் மாகாண சபை உறுப்பினர்கள், அரச உயர் அதிகாரிகள், திணைக்ளத் தலைவர்கள், தொழிலதிபர்கள், வர்த்தக பிரமுகர்கள், ஊடகவியலாளர்கள், கலைஞர்கள், கவிஞர்கள், என பலரும் கலந்து கொள்ளவுள்ளனர்.
நிகழ்வில் முன்னிலைப் பேச்சாளராக தென்கிழக்கு பல்கலைக்கழக அரசியல் துறைத் தலைவர் கலாநிதி எம்.எம்.பாஸில் கலந்து கொண்டு 'சமகால ஊடக அரசியலில் சிறுபான்மை அரசியல் கட்சிகளின் வகிபாகம்' எனும் தலைப்பில் விசேட உரை நிகழ்த்தவுள்ளார்.
இந்நிகழ்வில் கலை, கலாச்சார நிகழ்வுகள், நகைச்சுவை, ஓரங்க நாடகம், கவியரங்கு, விவாத மேடை, இஸ்லாமியக் கீதம் போன்ற பல்வேறு சுவார்சியமான நிகழ்ச்சிகள் இடம்பெறவுள்ளன.
இதன்போது சிலோன் மீடியா போரத்தின் அங்கத்தவர்களுக்கு புத்தாண்டுப் பரிசுப் பொருட்கள் வழங்கப்படவுள்ளதுடன் போரத்தின் மீடியா விபரத்கொத்தும் வெளியிடப்படவுள்ளதாகவும் அவர் தெரிவித்தார்.
