எம்.எப்.சி.டி. நிறுவனத்தின் உதவி பெறுகின்ற, தகப்பனை இழந்த பிள்ளைகளின் தாய்மார்களுக்கான வருடாந்த விழிப்புணர்வு கருத்தரங்கு அண்மையில் சாய்ந்தமருது பேர்ள்ஸ் மண்டபத்தில் நடைபெற்றது.
'பெண் தலைமை தாங்கும் குடும்பங்களுக்கான வலுவூட்டல்' எனும் தொனிப்பொருளில் எம்.எப்.சி.டி. அம்பாரை மாவட்ட பிராந்திய திட்ட முகாமையாளர் எஸ்.இம்தியாஸ் தலைமையில் இடம்பெற்ற இந்நிகழ்வில் இஸ்லாமிக் ரிலீப் நிறுவனத்தின் இலங்கைக்கான பிரதிநிதி இப்றாஹிம் சப்றி சிறப்புரையாற்றியதுடன் கல்முனை பிரதேச செயலக உளவளத்துணை ஆலோசகர் ஏ.ஆர்.தஹ்லான் வளவாளராக கலந்து கொண்டு விழிப்பூட்டல் கருத்துரை வழங்கினார்.
இதில் கல்முனை, மருதமுனை, நற்பிட்டிமுனை, மாவடிப்பள்ளி மற்றும் சம்மாந்துறை பிரதேசங்களை சேர்ந்த அனாதைப் பிள்ளைகளின் தாய்மார்கள் மற்றும் பாதுகாவலர்கள் பங்கேற்றிருந்தனர்.
இஸ்லாமிக் ரிலீப் நிறுவனத்தின் அனுசரணையுடன் எம்.எப்.சி.டி. நடைமுறைப்படுத்தும் அனாதைச் சிறுவர்களுக்கான நிதியுதவித் திட்டத்தின் மூலம் அம்பாறை மாவட்டத்தில் சுமார் 1200 அனாதைப் பிள்ளைகள் பயன்பெற்று வருகின்றனர் என்று சுட்டிக்காட்டப்பட்டது.
