உழவர் திருநாளான தை பெருநாளினை உலகெங்கும் வாழும் இந்துக்கள் இன்று(15) கொண்டாடிவருகின்றனர்.இந்த தைதிருநாளினை முன்னிட்டு மலையக ஆலங்களில் அன்று முதல் இன்று வரை எமக்கு உணவளித்த இயற்கை கடவுளான சூரியனுக்கு நன்றி செலுத்தும் முகமாக சிறப்பு பூஜைகள் இடம்பெற்றன.
'எந்நன்றி கொன்றார்க்கும் உய்வுண்டாம் உய்வில்லை
செய்ந்நன்றி கொன்ற மகற்கு.'
என்பது வள்ளவரின் வாக்கு தமிழர் பண்பாடுகளில் தமது வாழ்வாதாரத்திற்கு உதவி புரிந்த இயற்கை கடவுளாகி சூரிய பகவானுக்கும்,தமது வேளாண்மைக்கும் வாழ்வாதாரதிற்கும் உதவி புரிந்த அனைத்தையும் நினைவு கூறும் நாளே தைத்திருநாள். இந்த நாளான இன்று (15) ஹட்டன் ஸ்ரீ மாணிக்கப்பிள்ளையார் ஆலயத்தில் வாசலில் கோளமிட்டு குத்துவினக்கேற்றி பொங்கல் படைத்து சூரிய பகவானுக்கு சிறப்பு பூஜைகள் இடம்பெற்றன.
அதனை தொடர்ந்து ஸ்ரீ மாணிக்கப்பிள்ளையாருக்கு விசேட பூஜைகள் இடம்பெற்றன.
பூஜை வழிபாடுகள் ஆலய பிரதம குரு பிரம்ம ஸ்ரீ சந்திராநந்த சர்மா அவர்களின் தலைமையில் இடம்பெற்றன.
இதில் ஏராளமான தமிழ் சிங்கள பக்த அடியார்கள் கலந்து கொண்டனர்.
இந்த தைப்பொங்கலை முன்னிட்டு வீடுகளிலும் கரும்பு, வாழை மாவிலை ஆகின வாசலில் கட்டி வாசலில் பொங்கல் வைத்து சூரியனுக்கு நன்றி செலுத்தினர்.
