கொரோனா பீதியையடுத்து மூடப்பட்ட பாடசாலைகளை கிழக்கு மாகாணத்தில் மீளத்திறப்பது தொடர்பில் பொதுமக்களுக்கு கருத்துத்தெரிவிக்க வாய்ப்பு வழங்கப்பட்டுள்ளது.
கிழக்கு மாகாண கல்விப்பணிப்பாளர் எம்.கே.எம்.மன்சூர் இந்த வாய்ப்பை வழங்கியுள்ளார்.
பாடசாலைகளை மீளத்திறப்பது தொடர்பிலான கருத்துக்கள் ஆலோசனைகள் மேலும் திறந்தபின் எவ்வாறு பாடசாலைகள் அதிபர்கள் ஆசிரியர்கள் மாணவர்கள் நடந்துகொள்ளவேண்டும் என்பது தொடர்பிலும் கருத்துக்களை முன்வைக்கமுடியும் என அவர் கேட்டுள்ளார்.
ஆரோக்கியமான கருத்துக்களை மாகாண கல்வித்திணைக்கள இணையத்தளத்தில் info@eastpde.edu.lk அல்லது முகநூலில் pde@ eastpde.edu.lk பதிவிடலாம்.
நாளை(6) புதன்கிழமை கல்வியமைச்சின் செயலாளர் எம்.எச்.சித்ரானந்தா கிழக்கிற்கு விஜயம்செய்வது மேற்படி விடயம் தொடர்பில் கலந்துரையாடவிருப்பது தெரிந்ததே.
