அட்டனில் முச்சக்கரவண்டிக்கு தீ வைப்பு சீ.சீ டீவி காணொளியின் உதவியுடன் இருவர் கைது...
அட்டனில் முச்சக்கரவண்டி தீ வைப்பு சம்பவத்துடன் தொடர்புடையவர் என சந்தேகிக்கும் இருவரை சீ.சீ டிவி கமராவின் காணொளி உதவியுடன் கைது செய்துள்ளதாக அட்டன் பொலிஸார் தெரிவித்தனர்
அட்டன் பிரதான பஸ் தரிப்பு நிவையத்தின் பின் பகுதியில் நிறுத்தி வைத்திருந்த முச்சக்கரவண்டியே 11/05 அதிகாலை 04 மணியளவில் தீ வைக்கப்பட்டுள்ளது
குறித்த பகுதியிலுள்ள சி.சி டீவி கமராவின் காணொளி பதிவினை வைத்து இருவரை சந்தேகத்தின் பேரில் 12/05 அட்டன் பொலிஸார் கைது செய்துள்ளனர்
கைது செய்யப்பட்டவர்களிடம் பொலிஸாரினால் மேற்கொண்ட விசாரணையின் போது குறித்த முச்சக்கரவண்டியிலிருந்து அவசர தேவைக்காக பெற்றோல் களவாடியதாகவும் அதன் பின்னர் பெற்றோர் தாங்கியினை சரிசெய்ய தீ குச்சியினை பற்றவைத்து ஒளியினை பெற்ற போதே முச்சக்கரவண்டி தீ பற்றிய நிலையில் தப்பி ஓடியதாக சந்தேக நபர் தெரிவித்துள்ளதாக பொலிஸார் தெரிவித்தனர்
கைது செய்யப்பட்ட சந்தேக நபர்களை அட்டன் மாவட்ட நீதிமன்றில் ஆஜர்படுத்த நடவடிக்கை எடுத்துள்ளதாகவும் அட்டன் பொலிஸார் தெரிவித்தனர்
