திம்புள்ள பத்தனை பொலிஸ் பிரிவுக்குட்பட்ட அட்டன் நுவரெலியா பிரதான வீதியில் கொட்டகலை நகரில் அமைந்துள்ள மதுபானசாலையொன்றினை இன்று அதிகாலை (04.05.2020) 1.45 மணியளவில் உடைத்து ஒரு தொகை மதுபான போத்தல்களை கொண்டுசென்றுள்ளதாக திம்புள்ள பத்தனை பொலிஸார் தெரிவித்தனர்.
குறித்த சம்பவம் அருகாமையில் பொறுத்ததப்பட்டிருந்த சி.சி.டி.வி கமராவில் பதிவாகியுள்ளன.மதுபானசாலைக்கு வரும் இரண்டு திருடர்கள் முன்னாலுள்ள கதவினை உடைத்து மதுபானசாலையில் இருந்து மதுபான பெட்டிகளை களவாடிச்செல்வது பொருத்தப்பட்டிருந்த சி.சி.டி.வி கமராவில் பதிவாகியுள்ளதுடன் குறித்த சம்பவம் சுமார் 20 நிமிடங்கள் வரை இடம்பெற்றுள்ளன.
சம்பவம் தொடர்பாக மேலதிக விசாரணைகளை திம்புள்ள பத்தனை பொலிஸார், நுவரெலியா கைரேகை அடையாளப்பிரிவு , நுவரெலியா மோப்பநாய்ப்பிரிவு ஆகியோர் இணைந்து மேற்கொண்டு வருகின்றனர்.
