![](https://blogger.googleusercontent.com/img/b/R29vZ2xl/AVvXsEjNKbN2C-7zaZWWyIqp4LDC9MI0mAcUYzEnAHMChUaeTF3up7htrWiZ61ReUmNmJESrw4PrQFs_xOXAJL2eSIwl1FM7sE915Z5NFwD7NujCNbAq04sC_8k4DIePOrtPtZaLFw7yHnfuCMU/s400-rw/100815513_1526973847507464_4696586337774469120_n.jpg)
இலங்கைத் தொழிலாளர் காங்கிரஸின் தலைவர் ஆறுமுகன் தொண்டமானின் திடீர் மறைவை தொடர்ந்து பொதுத் தேர்தலில் அவருக்குப் பதிலாக ஸ்ரீலங்கா பொதுஜன பெரமுனவின் நுவரெலியா மாவட்ட வேட்பாளர் பட்டியலில் ஏற்பட்டுள்ள வெற்றிடத்துக்கு ஜீவன் குமாரவேல் தொண்டமான் நியமிக்கப்பட்டுள்ளார்.
இலங்கைத் தொழிலாளர் காங்கிரஸின் உப தலைவர் செந்தில் தொண்டமான் தலைமையில் நடைபெற்ற கட்சியின் உயர்மட்ட கூட்டத்திலேயே இந்த முடிவு எடுக்கப்பட்டது. இந்த முடிவு கட்சியின் பொது செயலாளர் மூலம் உத்தியோகபூர்வமாக பிரதமருக்கு அறிவிக்கப்பட்டது. பிரதமர் மஹிந்த ராஜபக்சவுடன் நடைபெற்ற சந்திப்பின் பின்னர் ஜீவன் தொண்டமானை வேட்பாளாக பிரதமர் தேர்தல் ஆணையாளருக்கு அறிவித்தார்.
செந்தில் தொண்டமான் தெரிவித்ததாவது,
தான் இல்லாத காலகட்டத்திலும் கட்சி, தொழிற்சங்க நடவடிக்கைகள் மக்களுக்காக தொடர்ந்தும் இடம்பெற வேண்டும் என தலைவர் ஆறுமுகன் தொண்டமான் ஐயா எம்மிடம் பல தடவைகள் கூறியிருந்தார்.
அதன்படி காங்கிரஸின் உயர்மட்டக்குழு இன்று கூடி அடுத்தக்கட்ட நடவடிக்கை சம்பந்தமாக ஆராய்ந்தது. நுவரெலியா மாவட்ட வேட்பாளர் பட்டியலில் வெற்றிடம் ஏற்பட்டுள்ளதால் அந்த இடத்துக்கு ஜீவன் தொண்டமானை நியமிப்பதற்கு முடிவெடுக்கப்பட்டது.
செந்தில் தொண்டமான் தெரிவித்ததாவது,
தான் இல்லாத காலகட்டத்திலும் கட்சி, தொழிற்சங்க நடவடிக்கைகள் மக்களுக்காக தொடர்ந்தும் இடம்பெற வேண்டும் என தலைவர் ஆறுமுகன் தொண்டமான் ஐயா எம்மிடம் பல தடவைகள் கூறியிருந்தார்.
அதன்படி காங்கிரஸின் உயர்மட்டக்குழு இன்று கூடி அடுத்தக்கட்ட நடவடிக்கை சம்பந்தமாக ஆராய்ந்தது. நுவரெலியா மாவட்ட வேட்பாளர் பட்டியலில் வெற்றிடம் ஏற்பட்டுள்ளதால் அந்த இடத்துக்கு ஜீவன் தொண்டமானை நியமிப்பதற்கு முடிவெடுக்கப்பட்டது.
அமரர் சௌமியமூர்த்தி தொண்டமான் ஐயா காலமான பின்னர் கட்சி தலைமைத்துவம் சுமார் ஒரு வருடம் வரை வெற்றிடமாக இருந்தது. எனவே, தேர்தல் முடிவடைந்த பின்னரே கட்சியின் தொண்டர்கள், உறுப்பினர்களுடன் கலந்துரையாடி அது சம்பந்தமாக தேசிய சபை முடிவெடுக்கும். தலைவரின் மறைவையடுத்து இரங்கல் தெரிவிப்பதற்காக பிரதமர் எம்மை இன்று அழைத்திருந்தார். இதன்படி சென்றோம்.
பொதுச்செயலாளரின் கையொப்பத்துடன் ஜீவன் தொண்டமானை போட்டியிட எடுக்கப்பட்ட முடிவை அறிவித்தோம். சிறந்த முடிவு என பிரதமரும் கூறினார்.
ஐயா சௌமியமூர்த்தி தொண்டமான், தலைவர் ஆறுமுகன் தொண்டமான் ஆகியோரின் கொள்கைகளை முன்னிறுத்தி காங்கிரஸ் மக்களுக்கு தொடர்ந்தும் சேவைகளை வழங்கும் என்றார். இந்த சந்திப்பின் போது இலங்கை தொழிலாளர் காங்கிரஸின் நிதிச்செயலாளரும் முன்னாள் மத்திய மாகாண விவசாய அமைச்சருமான மருதபாண்டி ரமேஸ்வரன்,இலங்கை தொழிலாளர் காங்கிரஸின் மாகாண சபை உறுப்பினர்களான கனபதி கனகராஜ்,சக்திவேல்,பிலிப்குமார், இலங்கை தொழிலாளர் காங்கிரஸின் முக்கியஸ்தர்கள் பலரும் கலந்துக்கொண்டனர்.