எதிர்வரும் பாராளுமன்ற தேர்தலில் திகாமடுல்ல தேர்தல் மாவட்டத்தில் ஏழு ஆசனங்களைத் தெரிவுசெய்ய 540 வேட்பாளர்கள் களத்தில் குதித்துள்ளனர்.
கல்முனை சம்மாந்துறை பொத்துவில் அம்பாறை ஆகிய நான்கு தேர்தல் தொகுதிகளைக்கொண்ட மூவினங்களும் வாழ்ந்துவரும் அம்பாறை மாவட்டம் திகாமடுல்ல தேர்தல் மாவட்டமாக பெயரிடப்படுகிறது.
இம்முறை திகாமடுல்ல தேர்தல் மாவட்டத்தில் அரசியல்கட்சிகளை விட சுயேச்சைக்குழுக்களின் எண்ணிக்கை கிட்டத்தட்ட இருமடங்காக அதிகரித்துள்ளது. ஒவ்வொரு அணியின் சார்பில் 10வேட்பாளர்கள் போட்டியிடுவார்கள்.
20அரசியல் கட்சிகள் சார்பில் 200வேட்பாளர்களும் 34சுயேட்சைக்குழுக்களின் சார்பில் 340வேட்பாளர்களும் போட்டியிடுகின்றனர்.
மொத்தமாக போட்டியிடும் 540வேட்பாளர்களுள் 07பேருக்கு பாராளுமன்ற உறுப்பினராகும் அதிஸ்டம் கிடைக்கும். அவர்கள் யார் யார் என்பதை பொறுத்திருந்துதான் பார்க்கவேண்டும்.
