ஈஸ்டர் தாக்குதல் கும்பலில் இருந்த புலஸ்தினி என்கிற சாரா ஜெஸ்மின் என்பவர் பற்றிய மேலும் பல உண்மைகளை அவரது தாயார் ஜனாதிபதி ஆணைக்குழு முன் வெளியிட்டுள்ளார்.
குறித்த பெண்ணின் தாயாராகிய ராசரத்னம் கவிதா, ஈஸ்டர் தாக்குதல் குறித்து விசாரணை நடத்தி வரும் ஜனாதிபதி ஆணைக்குழு முன்பாக நேற்று (25) ஆஜராகினார்.
இதன்போது சாட்சியம் அளித்த அவர், “2019ம் ஆண்டு ஏப்ரல் 26ம் திகதி சாய்ந்தமருது இல்லமொன்றில் நடந்த வெடிப்புச் சம்பவம் குறித்து வாக்குமூலம் பதிவு செய்ய கடந்த ஜனவரி 10ம் திகதி அம்பாறை பொலிஸார் அழைத்தனர்.
குறித்த வெடிப்புச் சம்பவம் இடம்பெற்றுள்ள இல்லத்தில் இருந்து கிடைத்த தங்க நகைகளை பொலிஸார் காண்பித்தனர். ஆனால் அவற்றில் எனது மகளின் நகைகள் இருக்கவில்லை. எனது மகளை ஸஹ்ரான், கட்டுவாப்பிட்டிய தேவாலயத்தில் குண்டு வெடிக்கச்செய்த மொஹமட் ஹஸ்துவுக்கு பலவந்தமாக மதம் மாற்றி திருமணம் செய்து கொடுத்துள்ளார்” என்று சாட்சியம் அளித்துள்ளார்.
