கல்முனை சாஹிரா கல்லூரியில் சாதாரண தர மற்றும் உயர்தர வகுப்புகளில் கல்வி கற்ற பழைய மாணவர் குழுக்களான சஹிரியன்ஸ் பவர் பிளேயர் - 96 அணியினருக்கும், சஹிரியன்ஸ் சுப்பர் ஹீரோஸ் - 97 அணியினருக்குமிடையிலான சிநேகபூர்வ கிரிக்கட் போட்டி சாய்ந்தமருது பௌஸி மைதானத்தில் நேற்று (23) இடம்பெற்றது.
நணயச் சுழற்சியில் வெற்றியீட்டிய சஹிரியன் பவர் பிளேயர்-96 அணியின் தலைவர் ஏ.எம்.எம். நஸீர்கான் தனது அணியினரை துடுப்பெடுத்தாட பணித் ததற்கிணங்க, நிர்ணயிக்கப்பட்ட 08 ஓவர்கள் பந்து வீச்சு முடிவில் 6 விக்கட்டுக்களை இழந்து 62 ஓட்டங்களைப் பெற்றனர்.
பதிலுக்கு துடுப்பெடுத்தாடிய சஹிரியன்ஸ் சுப்பர் ஹீரோஸ் - 97 அணியினர் 38 ஓட்டங்களை மாத்திரம் நிர்ணயிக்கப்பட்ட பந்து வீச்சில் பெற்று 25 ஓட்டங்களால் தோல்வியினைத் தழுவினர். இச்சிநேக பூர்வ கிரிக்கட் போட்டியில் 10 பந்து வீச்சுகளுக்கு 26 ஓட்டங்களைப் பெற்ற சஹிரியன்ஸ் பவர் பிளேயர் - 96 அணியின் ஆரம்ப துடுப்பாட்ட வீரர் ஏ.சி.எம். றிபாய் ஆட்ட நாயகனாக தெரிவு செய்யப்பட்டார்.
தொடர்ந்து இரு அணியினருக்குமான இரண்டாவது போட்டி நடைபெற்ற போது அப்போட்டியில் சஹிரியன்ஸ் சுப்பர் ஹீரோஸ் - 97 அணியினர் வெற்றியீட்டியமை சுட்டிக்காட்டத்தக்கது.
0 comments :
Post a Comment