கிண்ணியா சுகாதார வைத்திய அதிகாரி அலுவலக பிரிவுக்குட்பட்ட பகுதியில் இருந்து இன்று (18) மேலும் 4 நபர்கள் கொரோனா வைரஸ் தொற்றாளர்களாக இனங்காணப்பட்டுள்ளனர் என கிண்ணியா பிரதேச சுகாதார வைத்திய அதிகாரி எம்.எச்.எம்.றிஸ்வி சற்று முன்னர் தெரிவித்தார்.
இது குறித்து அவர் மேலும் கருத்து தெரிவிக்கையில் ஏற்கெனவே
தொற்றாளர்களாக அறியப்பட்டவர்களின் முதல் நிலை மற்றும் இரண்டாம் நிலை தொடர்பாளர்கள் 60 பேர் இன்று அன்டிஜென் பரிசோதனைக்கு உட்படுத்தப்பட்டனர். இவர்களில் இந்த 4 நபர்களும் கொரோனா தொற்றாளர்களாக அடையாளப்படுத்தப்பட்ட அதேவேளை 56 நபர்களுக்கு எதிர்மறையை ( Negative) காட்டியது. இந்த நிலையில், இவர்களில் ஏற்கெனவே தொற்றாளர்களின் முதல் நிலை தொடர்பாளர்கள் 6 நபர்களின் இரத்த மாதிரிகள் பிசிஆர் பரிசோதனைக்காக மட்டக்களப்பு போதனா வைத்தியசாலைக்கு அனுப்பி வைக்கப்பட்டுள்ளது என்றும் அவர் தெரிவித்தார்.
கிண்ணியா சுகாதார வைத்திய அதிகாரி அலுவலக பிரிவில் பெஹலியகொட மீன் சந்தையில் இருந்து ஆரம்பித்த 2வது கொரோனா அலைக்குப் பின்னர் மொத்தமாக 76 நபர்கள் தொற்றாளர்களாக இனங்காணப்பட்டுள்ளனர் என்றும் கூறினார்.
0 comments :
Post a Comment