இந்தியாவின் நிலவும் கொரோனா சூழ்நிலையை கருத்தில் கொண்டு டுவிட்டர் நிறுவனம் இந்தியாவுக்கு $15 Million ( சுமார் 300 கோடி ரூபா ) நன்கொடையாக வழங்கியுள்ளது.
இந்தியாவில் தொடர்ந்து கொரோனா வைரஸ் அதிவேகத்தில் சென்று கொண்டிருக்கிறது. கடந்த 24 மணி நேரத்தில் மட்டும் 366,317 புதிய பாதிப்பும், 3,747 உயிரிழப்புகளும் பதிவாயுள்ளன.
இந்தியாவின் நிலைமையை புரிந்து கொண்டு அமெரிக்கா, , ரஷ்யா,UK உள்ளிட்ட பல்வேறு உலக நாடுகள் இந்தியாவுக்கு உதவி புரிந்து வருகின்றன.
இந்நிலையில் $15 Million நிதியுதவியை சமூக வலைத்தள நிறுவனங்களில் முன்னோடியாக விளங்கும் டுவிட்டர் நிறுவனம் இந்தியாவுக்கு நன்கொடையாக அளித்துள்ளது. இது தொடர்பாக டுவிட்டர் CEO ஜக் பேட்ரிக் டோர்சி கூறுகையில்:-
இந்த தொகையானது கேர், எய்ட் இந்தியா மற்றும் சேவா இன்டர்நேஷனல் யுஎஸ்ஏ ஆகிய மூன்று அரச சார்பற்ற நிறுவனங்களுக்கு நன்கொடையாக வழங்கப்பட்டுள்ளது'' என்று கூறினார்.
இதில் கேர்-க்கு $10 Million ( சுமார் 200 கோடி ரூபா ) வழங்கப்பட்டுள்ள நிலையில், எய்ட் இந்தியா மற்றும் சேவா இன்டர்நேஷனல் அமெரிக்கா ஆகியவற்றுக்கு தலா $2.5 Million ( 50 கோடி ரூபா ) வழங்கப்பட்டுள்ளன. சேவா இன்டர்நேஷனல் ஒரு இந்து நம்பிக்கை அடிப்படையிலான, மனிதாபிமான, லாப நோக்கற்ற சேவை அமைப்பாகும். டுவிட்டர் வழங்கிய நிவாரண தொகை மூலம் இந்தியாவின் அரச வைத்தியசாலைகள் மற்றும் கோவிட் -19 பராமரிப்பு மையங்கள் மற்றும் மருத்துவமனைகளுக்கு ஒக்ஸிஜன் செறிவூட்டிகள், வென்டிலேட்டர்கள் விநியோகிக்கப்படும் என்று அந் நிறுவனத்தின் சார்பில் அறிவிக்கப்பட்டுள்ளது
0 comments :
Post a Comment