கிழக்கு மாகாணத்தில் கோவிட்டின் தாக்கம் நாளுக்குநாள் அதிகரித்துக் கொண்டு வருகின்ற இன்றைய காலகட்டத்தில் பொதுமக்களுக்கான தடுப்பூசி எப்போது செலுத்தப்படும் என்று கேட்டபோது அவர் இதனைத் தெரிவித்துள்ளார்.
மேலும் அவர் தெரிவிக்கையில்,
குறித்த கோவிட் தடுப்பு ஊசிகள் எதிர்வரும் திங்கட்கிழமை எமக்கு கிடைக்க உள்ளது. கிழக்கு மாகாணத்திற்கு எவ்வளவு தொகை என்பது இதுவரை சொல்லப்படவில்லை.
எனினும் எதிர்வரும் எட்டாம் திகதி செவ்வாய்க்கிழமை தடுப்பூசி செலுத்தும் பணி ஆரம்பிக்கப்பட ஏற்பாடு செய்யப்பட்டுள்ளது. அதேவேளை கிழக்கு மாகாணத்தில் அதிகமாகப் பாதிக்கப்பட்ட பகுதிகளாகத் திருகோணமலை மட்டக்களப்பு, அம்பாறை ஆகிய பிரதேசங்கள் காணப்படுகின்றன.
இருந்தபோதிலும் திருகோணமலை மாவட்டத்தில் அதிகூடிய உயிரிழப்புகள் இடம்பெற்றுள்ளதாகவும் கிழக்கு மாகாண சுகாதார சேவைகள் பணிப்பாளர் இதன்போது சுட்டிக்காட்டினார்.
கிழக்கு மாகாணத்தில் பாதிக்கப்பட்ட முதல் மூன்று பிரதேசங்களுக்கும் தடுப்பூசி வழங்கும் திட்டத்தை அமுல்படுத்துவதற்கும், அடுத்த கட்டமாக கல்முனைப் பிராந்தியத்தில் வழங்க உத்தேசிக்கப்பட்டுள்ளதாகவும் அவர் குறிப்பிட்டுள்ளார்.
அத்துடன் அரச ஊழியர்கள், கர்ப்பிணிகள், முன்னணி செயற்பாட்டாளர்கள் போன்றோருக்கும் இத் தடுப்பூசியை வழங்க உத்தேசித்துள்ளதாகவும் தெரிவித்துள்ளார்.
0 comments :
Post a Comment