கொவிட் தொற்றுநோய் காரணமாக மூடப்பட்ட பாடசாலைகளில் 200 க்கும் குறைவாக உள்ள மாணவர்கள் உள்ளடக்கிய 1-5 வரையான தரத்தையுடைய பாடசாலைகளு இந்த மாத ம்21 அன்று மீண்டும் திறக்கப்படும் என்று கிழக்கு மாகாண ஆளுனர் அநுராதா யஹம்பத் கூறினார்.
இன்று (14) காலை திருகோணமலையில் உள்ள ஆளுநர் அலுவலகத்தில் மாகாண கல்வி அதிகாரிகளுடனான கூட்டத்தில் கலந்து கொண்டு உரையாற்றும் போதே இவ்வாறு தெரிவித்தார். மேலும் பேசிய ஆளுநர்,
இம்மாதம் 21 ஆம் திகதி எங்கள் மாகாணத்தில் 567 ஆரம்ப பாடசாலைகளை மீண்டும் திறக்க அனைத்து ஏற்பாடுகளும் செய்யப்பட்டுள்ளன. நாம் முதலில் செய்ய வேண்டியது, பிள்ளைகள் கற்றுக்கொள்ள சரியான மனநிலையை உருவாக்குவதுதான். முதல் இரண்டு வாரங்களில், பிள்ளைகளின் சீருடைகள் பற்றி யாரும் சிந்திக்கக்கூடாது. அதை கட்டாயமாக்க வேண்டாம். காலணி பற்றி யோசிக்க கூட வேண்டாம். இந்த நேரத்தில் மாணவர்களின் மனதை உருவாக்க நம்மால் முடிந்தவரை உதவி செய்ய வேண்டும்.
சிசுசெரிய பேருந்துகள் மற்றும் எஸ்எல்டிபி பேருந்துகள் போக்குவரத்துக்கு தயாராக உள்ளன. நாங்கள் மாகாண சபையில் பிள்ளைகளுக்கு உணவையும் வழங்குகிறோம். பெற்றோர்கள் சுகாதார வழிகாட்டுதல்களைப் பின்பற்ற கற்றுக்கொடுங்கள். அதற்கு முன், பெற்றோர்களின் தலையீட்டில் பாடசாலைகளில் சிரமதானத்தை ஏற்பாடு செய்யுங்கள் . உள்ளூராட்சி அதிகாரிகளின் உதவியுடன் வகுப்பறைகளை கிருமி நீக்கம் செய்யுங்கள்.
மேலும், பாடசாலை அதிபர், பிரதி அதிபர், கிராம அலுவலர், பொது சுகாதார பரிசோதர் ,மற்றும் பாதுகாப்புப் படையைச் சேர்ந்த ஒரு பிரதிநிதியைப் பயன்படுத்தி ஏற்கனவே பாடசாலை சுகாதாரக் குழுக்கள் அமைக்கப்பட்டுள்ளன. தேவையான முடிவுகளை எடுக்க அவர்கள் அடுத்த வாரம் கூடிவிடுவார்கள். ஆசிரியர் சங்கங்களின் பல்வேறு அரசியல் நோக்கங்கள் காரணமாக பாடசாலைகளைத் தொடங்குவதற்கான இந்த கடினமான முடிவை மாற்றியமைக்க அனுமதிக்காதீர்கள். சம்பந்தப்பட்ட மாவட்டச் செயலாளர்களால் பிரதேச செயலகங்களுக்கு அழைத்து வரப்பட்டு, கூடுதல் பயிற்சி அளிக்க 3000 புதிய பட்டதாரிகள் எங்கள் மாகாணத்திற்கு ஆட்சேர்ப்பு செய்யப்பட்டுள்ளனர்.
ஆசிரியர்கள் பற்றாக்குறை இருந்தால், அவர்களை பள்ளிகளுக்கு நியமிக்கவும். இது வெற்றி பெற்றால், மீதமுள்ள பாடசாலைகளை விரைவில் தொடங்க முடியும். என்று மேலும் ஆளுனர் கூறினார்.
இந்த நிகழ்வில் மாகாண பிரதம செயலாளர் துசித பி.வனிகசிங்க, மாகாண கல்வி செயலாளர் கிரிஸ்டிலால் பெர்னாண்டோ, ஆளுநரின் செயலாளர் எல்.பி. மதநாயக்க மற்றும் மாகாணத்தின் அனைத்து வலய கல்வி பணிப்பாளர்கள் உட்பட பலர் கலந்து கொண்டனர்.
0 comments :
Post a Comment