இவ்வருட கல்வியாண்டிற்கு அரச பாடசாலைகளில் முதலாம் தரத்திற்கு மாணவர்களை சேர்த்துக் கொள்ளும் நிகழ்வு இன்று (5) இடம்பெற்றன.
கல்வி அமைச்சின் அறிவுறுத்தல்களுக்கு அமைவாக நாடளாவிய ரீதியில் மாணவர்களை வரவேற்கும் நிகழ்வுகள் நடைபெற்றன.
அந்தவகையில், கோறளைப்பற்று மேற்கு ஓட்டமாவடி கோட்டக் கல்வி அலுவலகப் பிரிவுக்குட்பட்ட மீராவோடை அமீர் அலி வித்தியாலயத்திலும் புதிய மாணவர்களை வரவேற்கும் நிகழ்வு பாடசாலையின் அதிபர் எம்.எம்.எம்.மஹ்ரூப் தலைமையில் நடைபெற்றது.
இதில், புதிய மாணவர்களை தரம் இரண்டில் கல்வி கற்கும் மாணவர்கள் பூமாலை அணிவித்து வாழ்த்துக்கள் கூறி வரவேற்றனர்.
இந்நிகழ்வுக்கு அதிதிகளாக மட்டக்களப்பு மத்தி கல்வி வலய பிரதிக் கல்விப் பணிப்பாளர்களர் எம்.ஏ.ஜாபீர் கரீம், ஓய்வு பெற்ற பிரதிக் கல்விப் பணிப்பாளர் எம்.ரீ.எம்.அஸ்ரப், தொழிலதிபர் எம்.எல்.எம்.இஸ்மாயில், பாடசாலை அபிவிருத்தி சங்க உறுப்பினர்கள், பெற்றோர்கள் எனப்பலரும் கலந்து கொண்டனர்.
0 comments :
Post a Comment