திருகோணமலை மாவட்டம்-தம்பலகாமம் பிரதேச செயலக பிரிவுக்குட்பட்ட தம்பலகாமம் கிராம சேவகர் பகுதியில் சிறு கைத் தொழில் முயற்சியாளர்களை விழிப்புணர்வூட்டும் செயலமர்வொன்று நாராயன்மார்திடல் கிராம கட்டிடத்தில் நேற்று (26) மாலை இடம் பெற்றது.
தம்பலகாமம் பிரதேச செயலாளர் ஜெ.ஸ்ரீபதி அவர்களின் வழிகாட்டுதலுக்கு இணங்க இந் நிகழ்வு இடம் பெற்றது. நாட்டின் தற்போதைய பொருளாதார நெருக்கடியின் போது வாழ்வாதாரத்தை மேம்படுத்துவதும் உணவு உற்பத்தி தொடர்பிலான மேம்படுத்தல்களுக்கு உறுதுனையாக செயற்படுவது தொடர்பிலும் இவ் விழிப்புணர்வில் வளவாளராக கலந்து கொண்டவர்கள் பயிற்சியினை திறம்பட வழங்கினர்.
உள்ளூர் உணவு உற்பத்தியை கொண்டு சந்தைப் படுத்தல் வாய்ப்பு வசதிகளை பெற்றுக் கொண்டு சுயதொழிலை முன்னேற்றம் செய்வது தொடர்பாக கலந்துரையாடப்பட்டன.
தேசிய தொழில் தகைமை சான்றிதழ் பயிற்சி உட்பட தொழில் வழிகாட்டல்கள் அதற்கான ஊக்குவிப்புக்கள் தொடர்பிலும் இதன் போது பிரதேச செயலக திறன் அபிவிருத்தி உதவியாளர் எஸ்.ஐங்கரன் கலந்து கொண்டு தெளிவுபடுத்தினார்.
இதில் உதவி பிரதேச செயலாளர் இரா.பிரசாந்தன், பொருளாதார அபிவிருத்தி உத்தியோகத்தர், சமுதாய நிறுவனங்களின் உறுப்பினர்கள் என பலர் கலந்து கொண்டனர்.
0 comments :
Post a Comment