உலக சிறுவர் தினத்தினை முன்னிட்டு தேசிய ரீதியில் சித்திரம், சுவரொட்டிகள் மற்றும் கட்டுரை, காட்டூன் மற்றும் குறுந்திரைப்படம் ஆகிய பிரிவுகளில் சிறுவர் நன்னடத்தை மற்றும் பாதுகாப்பு திணைக்களம் நடாத்திய "அனைத்துக்கும் முன்னுரிமை சிறுவர்கள்" சித்திரப் போட்டி - 2021 இன் இறக்காமம் பிரதேச செயலக பிரிவில் வெற்றியீட்டிய மாணவர்கள் சான்றிதழ் வழங்கி கௌரவிக்கப்பட்டனர்.
சிறுவர் உரிமைகள் மேம்பாட்டு உத்தியோகத்தர் ஆர்.எஸ். ஸபறுல் ஹஸீனாவின் ஒருங்கிணைப்பில் இடம்பெற்ற வெற்றியீட்டிய மாணவர்களை பாராட்டி கௌரவிக்கும் இந்நிகழ்வு இறக்காமம் மதீனா வித்தியாலயத்தில் இடம்பெற்றது. இந்நிகழ்வில் பிரதம அதிதியாக இறக்காமம் பிரதேச செயலக உதவி பிரதேச செயலாளர் எம்.ஏ.சி. அஹமட் நஸீல் கலந்து கொண்டதுடன் விஷேட அதிதிகளாக கணக்காளர் றிம்ஷியா அர்சாட் இறக்காமம் அஸ்ரப் தேசிய பாடசாலை பிரதி அதிபர் இர்பானா வஹாப் ஆகியோர் கலந்து கொண்டனர்.
மேலும் இந்நிகழ்வில், சிறுவர் கழக உறுப்பினர்களுக்கான வாழ்க்கைத் திறன் மேம்மாடு தொடர்பான பயிற்சி உளவளத்துணை உத்தியோகத்தர் ஏ.எச். றகீப் அவர்களினால் வழங்கி வைக்கப்பட்டது. சிறுவர்களே நாளைய தலைவர்கள் எனும் கருப்பொருளின் கீழ் தலைமைத்துவ ஆற்றல் தொடர்பான செயலமர்வு சிறுவர் பாதுகாப்பு உத்தியோகத்தர் எம்.எச். வஹாப் அவர்களினால் இடம்பெற்றது. மேலும் இந்நிகழ்வில், முன்பிள்ளைப் பருவ அபிவிருத்தி உத்தியோகத்தர் ஆர்.எம்.இம்டாட், பெண்கள் அபிவிருத்தி வெளிக்கள உத்தியோகத்தர் எஸ். றிஸ்மியா ஜஹான் ஆகியோரும் கலந்து கொண்டனர்
0 comments :
Post a Comment