கிழக்கு மாகாண கல்வித் திணைக்களத்தினால் UNICEF நிறுவனத்தின் அனுசரணையோடு, பொருளாதார நெருக்கடியினால் கற்றலில் பிரச்சினையை எதிர்நோக்கியுள்ள மாணவர்களுக்கு கற்றல் உபகரணங்களை வழங்குவதற்கு நடவடிக்கைகள் எடுக்கப்பட்டுள்ளன.
அதற்காக கிழக்கில் உள்ள வலயங்களில் உடனடியாக தரவுகள் சேர்க்கப்பட்டு வருகின்றன.
கிழக்கு மாகாண கல்வி திணைக்கள பணிப்பாளர் திருமதி நகுலேஸ்வரி புள்ளநாயகத்துடன் யுனிசெப் பிரதிநிதிகள் நடாத்திய பேச்சு வார்த்தையின் பலனாக, குறித்த மாணவர்களுக்கு கற்றல் உபகரணங்களை வழங்கப்படவுள்ளது.
இதற்கான தகவல்களை உடனடியாக அனுப்புமாறு கிழக்கு மாகாண கல்வி திணைக்கள கல்வி அபிவிருத்திக்கான பிரதிக் கல்வி பணிப்பாளர் பி.நிமலரஞ்சன் சகல வலயக்கல்விப் பணிப்பாளர்களையும் மின்னஞ்சல் ஊடாக அவசரமாகக் கோரியுள்ளார்.
பின்வரும் வகையான மாணவர்களின் தகவல்கள் கோரப்பட்டுள்ளன.
இடைவிலகிய/நீண்ட கால வரவின்மையை உடைய மாணவர்கள்.
தாய்/ தந்தையை இழந்த பொருளாதார நெருக்கடியினால் பாதிக்கப்பட்ட மாணவர்கள். கடுமையான வறுமை கோட்டிற்கு கீழுள்ள மாணவர்கள்.
மேற்படி மாணவர்களுக்கு விரைவாக கற்றல் உபகரணங்களை வழங்க ஏற்பாடு செய்துள்ளது.
ஏலவே ,கிழக்கு மாகாணத்தில் யுனிசெப் ஸ்தாபனம் பொருளாதார நெருக்கடியினால் பாதிக்கப்பட்ட கஷ்ட அதிகஷ்ட பிரதேச வகை 3 தர பாடசாலை மாணவர்களுக்கு வெண்தாள்களை வழங்கி வைத்தமை குறிப்பிடத்தக்கது.
0 comments :
Post a Comment