இதன் ஆரம்ப விழா வெள்ளிக்கிழமை (10) கொழும்பு 07 சவ்சிறிபாவில் நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க தலைமையில் நடைபெற்றது.
நிர்மாணாக் கைத்தொழில் அபிவிருத்தி அதிகாரசபை (CIDA) தற்போது நகர அபிவிருத்தி மற்றும் வீடமைப்பு அமைச்சின் கீழ் செயற்படுகிறது. ஒப்பந்தக்காரர்கள், சொத்து உருவாக்குபவர்கள், கட்டுமானப் பொருட்கள் மற்றும் துணைக்கருவிகள் வழங்குபவர்கள் மற்றும் திறமையான தொழிலாளர்கள் போன்ற கட்டுமானத் துறையில் பங்குதாரர்களைப் பதிவு செய்யும் பொறுப்பைக் கொண்டுள்ளது.
2014 ஆம் ஆண்டின் 33 ஆம் எண் நிர்மாணக் கைத்தொழில் அபிவிருத்தி சட்டத்தின்படி, இந்தத் திட்டம் திறமையான கட்டுமானத் தொழிலாளர்களின் அறிவு, திறன்கள் மற்றும் மனோபாவங்களைச் சோதித்து பதிவுசெய்து, கைவினைஞர் அடையாள அட்டைகளை வழங்கும் மற்றும் அவர்களின் தகவல்களின் தரவுத்தளத்தை பராமரிக்கும். உள்நாட்டு மற்றும் வெளிநாட்டு கட்டுமானத் துறையில் தேவைப்படும் கட்டுமானத் தொழிலாளர்களை மேம்படுத்துவதே இதன் நோக்கமாகும்.
பதிவு செய்யப்பட்ட கட்டுமானத் தொழிலாளர்கள் அடிப்படையில் 25 துறைகளின் கீழ் வகைப்படுத்தப்பட்டு 'முக்கிய கட்டுமானத் தொழிலாளர்கள்' மற்றும் 'கட்டுமானத் தொழிலாளர்கள்' என 2 வகைகளின் கீழ் தொழில்நுட்ப அடையாள அட்டைகள் வழங்கப்படுகின்றன. NVQ - நற்சான்றிதழிற்கு நிலை 4 மற்றும் ஒரு வருட அனுபவம் தேவை. NVQ - 'கட்டுமான கைவினைஞர்' வகை நற்சான்றிதழிற்கு நிலை 3 மற்றும் 6 மாதவழங்கப்படுகின்றன.
திறமையான கட்டுமானத் தொழிலாளியாகப் பதிவு செய்ய திறன் தேர்வு (Skills Test) நடத்தப்படுகிறது. அடையாள அட்டையுடன் அதில் தேர்ச்சி பெறும் கைவினைஞர்களுக்கு நிர்மாணக் கைத்தொழில் அபிவிருத்தி அதிகாரசபை சான்றிதழோடு மேலதிகமாக அந்த கைவினைஞர்களுக்கு ஒரு திறமையான தொழிலாளர் வழிகாட்டி கையேடு மற்றும் திறமையான தொழிலாளர் பதிவு புத்தகம் ஆகியவை வழங்கப்படுகின்றன.
இந்த திறன் தேர்வு வாய்மொழி மற்றும் நடைமுறை இரண்டு பகுதிகளைக் கொண்டுள்ளது. கட்டுமானத் துறையின் அறிவு மற்றும் புரிதல், செயல்திறன், தொழில்நுட்ப நடத்தை, தொழில்முறை நெறிமுறைகள், கடமைகளின் முன் அறிவு, உபகரணங்கள் மற்றும் கருவிகளின் சரியான பயன்பாடு மற்றும் முடித்தல்களின் ஆய்வு ஆகியவற்றில் கவனம் செலுத்தப்படுகிறது.
திறமையான தொழிலாளியாகப் பதிவுசெய்த பிறகு உலகளாவிய தேவைகளுக்கு ஏற்ப பலப்படுத்தல் மூலம் உள்ளூர் மற்றும் வெளிநாட்டு வேலை வாய்ப்புகளுக்கு விண்ணப்பிக்கும் திறன் அவர்களுக்கு உள்ளது. அதிக உற்பத்தி மற்றும் திறமையான பணியாளர்களின் ஒரு பகுதியாக மாறுவதற்கும் தொழில்முறை தரத்தை மேம்படுத்துவதற்கும் இந்த திட்டம் ஒரு வாய்ப்பை வழங்குகிறது.
0 comments :
Post a Comment